يحط بحسابه الف ريال يوميا !!!

[شرااارة الخبوب]

بسم الله الرحمن الرحيم


حياكم الله


فيه شايب
كل يوم يروح البنك ويودع 1000 ريال بحسابه

الموظفين استغربوا أمر هالشايب الكحيان

يوم من الأيام
قال لهم المدير : إذا جاء نادوه ،،، أكيد هو غني ،،،،، ولازم نكسبه


وفي اليوم التالي،،،
جاء الشايب ،،، ودخل البنك
واخذوه الموظفين ودخلوه على المدير


قال له المدير : أنت وين تشتغل ؟
قال الشايب : عاطل مالي شغل


قاله المدير : طيب ،،، ومن وين لك الفلوس ؟
قال الشايب : أنا اراهن الناس من 1000 ريال ،،، وأكسب


فقال له المدير : كذاب ،،، قول الصدق ...


قال الشايب : خلاص ،،، تتحدى الحس عيني من 1000 ريال


قال المدير : نعم ،،، أتحدى ...


قام الشايب ،،، وفك عينه الصناعية ،،، ولحسها ،،، ورجعها


انهبل المدير ،،، وطارت شياطينه

قال الشايب تتحدى أعض أذني من 1000 ريال


قال المدير : نعم ...


قام الشايب
وطلع تركيبة سنونه
وعضض أذنه،،، ورجع تركيبة سنونه باثمه


وأخذ الشايب من المدير 2000 ريال،،، وطلع



في اليوم التالي،،،
دخل الشايب للبنك
فأخذوه الموظفين ،،، ودخلوه على المدير




قاله المدير : يابن الحلال ،،، تكفى رجع لي فلوسي




قال الشايب :
خلاص ،،، أنا بتحداك على شي ،،،
إذا أنت فزت أعطيك فلوسك ،، ومعاهن مثلهن
وإذا أنا فزت تعطيني 1000 ريال فقط لا غير


قاله المدير: على ايش تتحدي ؟



قال الشايب : تتحداني أن لون سروالك أزرق ؟



قال المدير وهو فرحان لا ماهوب أزرق


قال الشايب : إلا،، أزرق


قال المدير : لا مو أزرق


قال الشايب : طيب فصخه،، خلني أشوفه


فصخ المدير سرواله وطلعه

قام الشايب ،، وقال مبروك ،، انت فزت،، وعطى المدير الف ريال





بعدها ،،،
التفت الشايب على الموظفين
كانوا قاعدين يناظرون

راح الشايب
وأخذ من كل واحد 1000 ريال
وقالهم : ما قلت لكم بخليه يفصخ سرواله

[هلالي القرن]

ههههههههههههههههههههههههههههههههههههههههههههه

والله الشايب هذا وضعه غريب ..

الله يسعدهـ ان شاء الله ..

مطلع ذهب من ذي الشغلة ههههههههههه ..

أما حالة مدير البنك بعد التحدي الأخير صعببببة ..

أحسه استقال ههههههههههههههههههههه

الله يسعد ايامك ..