أقسام درة ،،،
كوكب الشرق
الكويت (الأنباء) : الكاتبة والشاعرة المعروفة، بالاسم المستعار منذ 25 عاما نادية السبيعي. (غردت من نويتر: نومي تقطع والا ضايقن صدري ،، الله عليم بالنوايا وما تخفي النفوس. قد قالها قبلي شاعر مصري ،، مفيش فلوس يا حبيبي مفيش فلوس).
في مجلس الأحرار تلقى لك أحرار
كلن يشب النار حق دَفْوَةْ النار
وكلن يصيح ضعيف مديون محتار
من جملة الأصحاب تلقى لك أغيار
واحدن توده حيل وتجيه مختار
واحدن يمر بحَياتك يلعب أدوار
وأنا على ضيم الدهر بالحيل صبار
ياما قرينا أسفار يحْمِلهِن حمار
وياما سهرنا هالعمر نكتب أشعار
إليا تسامى الشعر والجن حضار
مليت من تقليب صفحات الأخبار
في القلب ليعات وأوجاع وأسرار
ومهما درست ودرت بترد محتار
وفي موكب التاريخ تحتاج فرصه
كلن يشب النار حق دَفْوَةْ النار
وكلن يجر النار لي تحت قرصه
وكلن يصيح ضعيف مديون محتار
وأحْدن يحرس المال ويبوق نصه
من جملة الأصحاب تلقى لك أغيار
أحْدن تساهل معه واحدن ترصه
واحدن توده حيل وتجيه مختار
شَفِكْ لذيذ الذوق وتجيك قَرْصَه
واحدن يمر بحَياتك يلعب أدوار
لا القصة أصلا له ولا النَصْ نَصَه
وأنا على ضيم الدهر بالحيل صبار
ما همني في ذاك زوده ونقصه
ياما قرينا أسفار يحْمِلهِن حمار
وياما سرقنا الوقت وتضيع حصه
وياما سهرنا هالعمر نكتب أشعار
نكتب جنون الليل صدقه وخَرْصَه
إليا تسامى الشعر والجن حضار
نتبادل الطاروق قِصّه بقِصّه
مليت من تقليب صفحات الأخبار
ومليت من ترديد أحداث قصه
في القلب ليعات وأوجاع وأسرار
وفي الحلق يا مشكاي مليون غصه
ومهما درست ودرت بترد محتار
تِحْيا بقلبك فرص وتموت فرصه.
