شعراء الباحة ينثرون 83 قصيدة بين يدي اليوم الوطني

المملكة ديرة معزّي ماتبيلة خشير <> حكم السّعود مخيمٍ فيها وكلٍ درا
يا نجد يامابك من الاجواد شيٍ كثير <> وان ما تذريتي بحكمة مالقيتي ذرا
عبدالعزيزاصبح بنجد ومعه سيفٍ شطير <> شهمٍ وتوفيقٍ من الله يوم حظة سرا
في جال ابومخروق خيله له صهيل وصفير <> ستين خيالٍ معه يمشون قدْم وورا
استبشرت فيه الرياض وصاح فيها بشير <> الملك لله .. ثم لابن سعود عزّوطرا
الملح في جيلانها تسمع لحسّه هدير <> ولْهٍ على معشوقته واليوم جرحه برا
تلقى على بابه اثر شلفا ورمحٍ خطير <> المصمك اللي شاهدٍ وموثقٍ ما جرا
جدّدْ سنا ملك الجدود الشامخين المسير <> جاها مثل غيثٍ من الله عقب جوع وعرا
وحد قبايلها من الباطن الى اقصى عسير <> ثبّت قواعدها وشاور شعبها وامّرا
يشهد له التاريخ وعياله بنهجه تسير <> دولة حديثة بالثريا صيت ماهي ثرا
واليوم ابو متعب حكم بالعدل حظٍ كبير <> وسلمان له نايب بدرب الحق باع وشرا