[align=center] بسم الله الرحمن الرحيم
السلام عليكم ورحمة الله وبركاته
ذكائهم على حساب غبائنا
دايم الأجنبي ذكي وأحنا أغبياء بالطيبة...
في دبي دخلت سوبرماركت صغير يعني بقالة وخذت أغراضي وكان
الحساب 16.5 وعطيته عشرين وباقي لي ثلاثة درهم ونص فقال ماكو
صرف قلت له خلاص عطيني خمسة وسامحني في درهم ونص قال أنت
بخير وأنا مسكين قلت يامال السكين عطيني الباقي وإلا دقيت على الشرطة
ثم عطاني وقال أنته بخييييل واجد...
واليوم بنتي طلبت من البقالة وبقى ريال ثم قال بعدين بأجيبة ومن طلبنا من
البقالة قلت له الظهر جبت الطلب وباقي عندك ريال قال خلاص بيجيك
الطلب ومن حاسب الولد موصل الطلبات تنكر للريال ورفض الولد يعطيه
الفلوس والعامل رفض يعطيه الطلب فقمت ورحت للبقالة وقلت ياأخي باقي
لنا عندكم ريال من وصلتوا الطلب اليوم مارجع الصرف قال لحظة
شوي ماتشوفني مشغول مع الزبون قلت خير أصبر وماله...
المهم لين فيه واحد سعودي أشترى أغراض ب66 ريال وكان معاه 65
ريال وخمس مية قال للبقال ياأخي ريال أسمح فيه قال أصلاً مكسبنا في هذا
الريال فأضطره لصرف الخمس مية عشان ريال قلت له طيب هات ريالي
يوم ريالك عزيز عليك ترى بعد أحنا ريالاتنا عزيزة علينا فقام أعطاه لي
بزعل فقلت صحيح الحلال غالي عندكم وعندنا بغبائنا المسمى بالطيب
رخيص في إلى متى هالعمالة الوافدة اللي ماتعلمت إلا في بلادنا يستذكون
علينا وأحنا نعطيهم فرصة...!؟؟؟
والسلام عليكم ورحمة الله وبركاته [/align]
