عرض للطباعة
وماصاحبكم بمجنون
يا [ لله ]..
كم أرهقني اللحاق بك وكأني بتمسك أحدُ طلبة العلم بميراثِ العصر الأموي
إين كُنت بربك ..!؟
العود أحمد ياشيُخنا الوقور وسأتخذُ من مساحتُكَ مكاناً قصيا
كل عام وأنت الأنقى / الأرقى ..
تحية تقدير ..
http://www.tarooti.net/upfiles/hG513773.gif
جتني بنيتي اليوم تقول ليلى الأخيلية ما ماتت...!!!اقتباس:
المشاركة الأصلية كتبت بواسطة ليلى الأخيلية
قلت قولي والله...!؟
قالت والله
قلت لها حبك عباد الله من حب الله وشلون يابنتي..!؟
قالت لقيتها راده عليك في الدرة
قلت لا لا يمكن شبحها وإلا شئ
قالت لا والله حتى أنها تتكلم فصحى ناقص بس تسولف عن توبة ولد عمها...
المهم وأجي إلا ألقى الأخت قالبه المتصفحه قسم أدبي نحو وبلاغة...
شوفي يالأجودية الله يستر عليك ترى التعليم على قدي واللي فهمته أنك مبسوطة من ماقريتي بس لغتك تخوف وأنا لين الحين (عربيتي مكسرة وحاودية للورشه عشان مسافر فيها الحق لمصر)...
قصدي لغتي على قدي ويمكن هي أكبر مني ذكرتيني بأم مالك الله يرحمها الظاهر أنها ماتت مبطي ماعاد لها حس كانت تسولف زيك ناقصها شهر رمضان وتتبناها قناة قطر عشان تقهر بني وائل...
الله يعطيك العافية
وبارك الله فيك أسعدتني بمداخلتك وعذراً على تعقيبي الذي أثرت أن يكون دعابي وكل عام والجميع بخير
من العايدين وكل عام وانت بخير وصحه وسلامه
....
يا اهلا بأخينا الحبيب شيخ النظر
لاتطول علينا الغياب ولا تخليها مثل طلة العيد
نباك تتربع بيننا ونسمع من سواليفك وصبة القهوه عندنا
الا قلي ياشيخنا
يوم العيد ذبحت خروف والا خليتها على سمك وهمبرجر
ومن الفايزين حبيبنا وأخونا الأكبر قدراً تقبل الله من ومنكم صالح الأعمال وعاده الله علينا وعليكم أعوام مديدة وسعيدةاقتباس:
المشاركة الأصلية كتبت بواسطة سلمان السلمي
والله يالغالي أن الإنسان مع مشاغل الحياة بات ينسى يأكل وأخوتكم في هذا الصرح مدعاة فخر وأعتزاز والله يسامحنا في ماقصرنا تجاهكم..
خروف خروف خروف...!!!
وش هو ذا ووين ينباع لايكون وجبة جديدة عمد برقركنق وأنا مادريت عنها الله يهديك بس ياأبوسعود الناس صافقها الجوع وأنت تقول منايح وذبايح الله وكيلك هالسنة شفت العجب في عيد الحارة مابين قرص ومراصيع وهريس وعصيد والعجيبة اللي أول مرة أشوفها برمضان رز بالربيان لدرجة أشوف أثنين مدخلين أصابعهم في الصحن يدورون لحم وإلا دجاج...
في نجد صار اللحم ينشاف من بعيد ومكتوب على قفاه أبتعد 100م خطر والظاهر أنا بنصير زي الأحباب في الحجاز صباح العيد سيروات عند الفوالين فول وتميس...
دمت بخير والحاضرين مع وافر التحايا
بسم الله الرحمن الرحيم
السلام عليكم ورحمة الله وبركاته
من العايدين
من صلينا الفجر أسمع البرهي يسولف مع توته وهم كاشخين بلبس العيد حق
العام صحيح قصر عليهم بس يالله باقي عليه لصقات الجديد...
البرهي : أسمعي غذا رحنا نصلي العيد لاتقعدين مع الحريم ترى الحريم بس
يعطون حلاو أما الرجاجيل يعطون ريالات جديدة الظاهر مغسلينها وكاوينها
مع ثيابهم...
توته : زاد أقول وين جايبنها منه وبصراحة بعد الحريم حوموا كبدي
بحلويات سورية رخيصة وإلا حلقوم ينشب في الضروس...
البرهي : خليكي كووول ياهووووه إذا رحنا لبيت عمي لاتسلمين إلا على
عماني كل واحد بيعطيك خمسة ريال ويمكن يخطي بحكم أن الدراهم الجديدة
تلخبط ويعطيك مية...
توته : ليه وحريم عماني...!؟
البرهي : هذولي سلمي عليهم في الليل عشان يعطونك لأنهم في الليل
بيكونون في الإستراحة ويبون يستعرضون قدام بعض وعادة أكثر مايعطون
ريالين والمدرسات خمسة وإلا عشرة حسب ماخسرت عند المشغل إذا كان
كثير فهي بتعطيك خمسة وإذا صار شوي فهي بتعطيك عشرة عاد أنتي
وحظك...
توته : طيب وأبوي...
البرهي : أي أبوي هذا يقول أن له 10% في المية من العيديات عشان يعبي
بها بنزين بس لاتعلمينه كم جمعتي إذا جمعتي ميه قولي له خمسين عشان
تعطينه خمسة زي مايسون التجار في شهادة المنشاء ويضحكون على
الجمارك...
توته : طيب وأمي...!؟
البرهي : أمي هذي عطيها عشرة ولين خلصت فلوسك قولي لها ضاعت ثم
تعطيك عشرتك مرة ثانية عشان تفتك من صجتك...
توته : أها والله فكرة...
البرهي : ترى العيد بس أول يوم وثاني يوم إذا قابلك أحد عادي لو ماشافك
من سنه سلامه بارد كنه جالس معك البارح ولابه عيديات ولاهم يحزنون...
توته : والعيد الكبير الأضحى...
البرهي : هذا عيد اللحم بس عقب ماغلت الذبايح أتوقع كل عشر أسر
يتقاطون في ضحية وكل واحد يعطي الثاني من قسمه...
توته : الحمدلله أنك اخوي وإلا كان تورطت في هالعيد...
والسلام عليكم ورحمة الله وبركاته
اقتباس:
المشاركة الأصلية كتبت بواسطة شيخ النظر
وعليكم السلام ورحمة الله وبركاته
تقبل الله منكم أخي الحبيب شيخ النظر وحياك الله
كل عام وأنتم بخير
حلوه حلوه حلوه ،،
قصة تصويرية :13: جميلة
ياحليل هالبنية :vb_delfinlyger: كاني اشوفها قدامي
هذا وهم :00004: صغار ،، ويعرفون الاعيب :h68: التجار ،،
موضوع ممتع جزاكم الله خير
لا أعلم سعادة الدكتور محمد حفظك الله
عندما تداخلني هل أرد نظراً لمقامك أم أبقي آخر رد منك في متصفحتي كي أفخر به...!؟
وبين ذا وذاك ينتصر أمام حيرتي علو مقامك رفع الله شانك وأسبغ عليك وافر نعمه...
ربعنا إذا حكوا في الجنس قدام الأطفال قالوا البزران يعرفون كلش وأما في أوضاع البلد
يعتقدون جهلهم والطفل جزء من المجتمع وبات يعلم بخبايا الأمور أكثر من البالغ وله رأي
يستحق الإستماع إليه ومن تقنيات العصف الذهني في اليابان جمع مجموعة من الأطفال وأخذ
أفكارهم في تطوير البلد ونحن في بلدنا إذا تكلم الصغير قلنا له أسكت بس وش عرفك...!؟
دمت بعز وتعيّد وتعيد بصحة وأنت سعيد وجميع المسلمين
مع وافر التحايا
بسم الله الرحمن الرحيم
السلام عليكم ورحمة الله وبركاته
ملعقة وشوكة وسكين
ملعقة : تصدقون أني مليت من هالشغلة ماغير شغاله في يد من هب ودب
ياأما شلت له الشوربة وإلا الأكل لفمه وعاد يالبعض أسنانه مكسرة وريقة
شين ماغير يشفط مافي بطني وإلا يلهطه ويترك على بطني وظهري
سعابيلة....
شوكة : لا أشوا أنا منك أنا إذا أستخدموني العرب كلوا فيني كيكة وإلا حلا
وإذا مسويين متطورين مكرونة إسباغيتي بس اللي قاهرني أني أشيل لهم
الأكل ويوصخون أصابيعي مثلك ياملعقة بالسعابيل والمعفن اللي يغسلني
ماينظف مابين اصابعي....
سكين : هههههههههههه أنا عاد فوق مستواكم كلكم أنا ماغير ابرد حرتي في
تقطيع الأكل ولاأدخل في شوربة ولافم ومن حطني في فمة قطعت لسانة مثل
ماكنت أسوي في بريطانيا من كان رأسي حاد كانوا ينكشون اسنانهم فيني
ولعبت في لثاتهم حتى عملوا لي راس دائري...
ملعقة : ماتدرون عاد القراوا وش يسون فيني يساووون ظهري ببطني
ويخلوني لاوجه ولاقفى بالشاكوش على بالهم متطورين ومخليني لدهن
التوست والصامولي...
شوكة : ولاتدرين بعد أنا عافطين رقبتي يقال عشان يأكلون فيني السبرنق
روول والقيمات يقال أنهم مايبون يتكلفون ويلفوني بيديهم إلا لازم الذلة...
سكين : أصلاً ربي كرمهم وعطاهم الخمس عشان يأكلون فيهم ولكن مابقى
إلا السعوديين اللي يأكلون بالخمس ياويلي وصرنا بس أنا والملعقة في العزايم
ملعقة جنب السلطة وأنا فوق الفاكهة حارس...
ملعقة : لاياخوي تكفا ماتدري وشلووون الحريم اكلهم فينا خصوصاً لين
غرفة من الشوربة ثم جت بتاكل الجاتوة تقعد تلحسني وجه وقفا وإلا تنطلني
فوق الصحن اللي كنّه ونيت محمل للحراج من لخبطة ماظفت من البوفيه
المفتوح....
شوكة : لاتذكريني تكفين بالبوفيه المشفوح ماعاد هو بمفتوح كاني من أشوف
الوحدة كاشخة أقول هذي اللي ليتها تأخذني ومن أصير بيديها وتحطني فوق
ذاك الصحن حتى ماأدري وين انا من أنواع اللحوم والدجاج والكبة وورق
العنب والمصقعه ناهيك عن أنواع الحلا والكيك...
سكين : البوفيه المذبوح أنا الحمدلله مايعرفون يستخدموني الحريم (الشغالات)
إلا في تقطيع البصل والطماط وبما أن الأخريات مايعرفوني فهم يتحاشوني
في البوفيهات نظراً لجهلهم بما هيتي...!!!
لحظة صمت
فتح الدرج الولد وأخذ ملعقتين عشان يصلح فيهم كفر سيكلة والبنت خذت
شوكتين تمشط فيهم شعر عروستها فجاء الولد الصغير الثاني وآخذ السكين
يبي يدخلها في فتحة القفل عشان يفتح الباب والبنت خذت سكين عشان تفك
برغي (مسمار) حق الدفيدي وأكتشفوا الثلاثة أن مستقبلهم ماله سنع أبد في
بعض البيوت...
والسلام عليكم ورحمة الله وبركاته
بسم الله الرحمن الرحيم
السلام عليكم ورحمة الله وبركاته ,,
حياك الله ياشيخنا الحبيب الغالى شيخ النظر....سلمه الله وعافاه
اولاً:- كل عام وانت واسرتك الكريمة ومحبيك بالف خير وصحة وعافية ...اعاده الله علينا وعليكم وعلى جميع المسلمين بالخير والبركات ..
ثانياً:- من طول الغيبه جاب الغنايم ,, وانت غانم وتجيب اجمل وانفس الغنايم.
ثالثاً:- لو تكرمت انك ماتطول علينا الغيبة .لان الجميع اشتاق لمتابعة مايخط قلمك بارك الله فيك ومتعك بالصحة والعافية ...وتقبل فائق تقديرى...والسلام عليكم ورحمة الله وبركاته ,,
وعليكم السلام ورحمة الله وبركاتهاقتباس:
المشاركة الأصلية كتبت بواسطة المنتقد
الأخ الأكبر بارك الله فيك وفي حرصك على أخوتك الأعضاء
وأنت بخير وصحة وسلامة والمسلمين أجمعين
ويعلم الله ياأخوي أن الود ودي أكون هنا كل يوم لكن اللع العالم هالدنيا الفاضي فيها ومشغول وبمشيئة المولى راح أتواجد قدر الإستطاعة...
لك مني أجمل تحية محملة بفائق الود والإحترام لشخصكم الكريم