بسم الله الرحمن الرحيم
السلام عليكم ورحمة الله وبركاته،،،
المستودع
دقيت على المستودع عشان ناقص الإدارة بعض الإحتياجات المهم ويرد
علي ذاك الشايب وأسلم وقلت له معك أخوك (شيخ النظر) أرتبك الرجال
وقال هلا طال عمرك قلت الهلابك فقال عندي سؤال لو سمح فضيلتكم
قلت تفضل قال أنا حلفت على المرأة ماتطلع من البيت والحين هي
مريضة وش أسوي قلت له والله في الفتوى أسئل لك شيخ قال وأنت
ورى ماتفتيني قلت ياعزيزي أسمي أنا شيخ من عائلة النظر فقال
والتراااااااااب قلت ليه؟؟؟
قال تلعب علي لين عرفت أسرار بيتي قلت أعوذ بالله من الهرج
الفاضي تبعكم ياحقون البادية (بدى الولد يستفيد من العوائل
السعودية)...
المهم عطيته الطلب وقلت له الأسم عشان أتابع الطلب قال (نجر بن
محماس) قلت طيب خلي الحمسّه وسط ولاتدقها مرّة وبعدين مجرود مع
المستودع وإلا بدون قال تتريق أنت وأيّا وجهك قلت لاحول ولاقوة إلا
بالله من ضنيتني شيخ زعلت ومن ضنيتك معدات برضوه زعلت بالله أنت
متى تكون مبسوووووط فقفل الخط في وجهي بدون مايجاوب....
والسلام عليكم ورحمة الله وبركاته،،،
