الحين وش السالفة ؟؟
ترى لحستو مخي ...
-------------------
أبي اعرف وش القصة؟؟؟
زواج ولا استهبال؟؟
عرض للطباعة
الحين وش السالفة ؟؟
ترى لحستو مخي ...
-------------------
أبي اعرف وش القصة؟؟؟
زواج ولا استهبال؟؟
[align=center]السالفة يا ولدي تجدها بين طيات هذه الأبيات
ومالم تعرفه اليوم ستعرفه غدا
وحنا مستوطنين بعد أن أعتدوا علينا لجأنا لمضارب الشيخ هنا
سأتـــرك مـاءكـــم مــــن غـــيــــر ورد
وذاك لـــــــكـــثــــــرة الـــــوراد فــيـه
إذا ســـقــط الـــذبــاب عـــلـــى طـعــام
رفـعت يـدي ونـــفــســـي تـــشـــتهيه
وتــجــتـــنــب الأســــود ورود مــاء
إذا كـان الـكلاب ولــغـــن فــــــيــــه
ويـرتـجــع الـكريـم خـمـيـص بـطن
ولا يـرضـى مـسـاهـمـــة الـــسـفـيـــه [/align]
بسم الله الرحمن الرحيم
وعليكم السلام ورحمة الله وبركاته
أخوي الرائد 7 ...
تسلم لي على المداخلة الثانية وأنا معكم باقي للنفس
الأخير بس عاد تحملووووني...
وتراني معكم وفي أمور كثيرة بس عطوني فرصة اخلص
مشاغلي وأتفضى لكل شئ وأوعدكم بكل خير...
وياطيب هالمنتدى ومن فيه بطيبك اخوي ولاهنت وتسلم
على أنفاسك الطيبة...
والسلام عليكم ورحمة الله وبركاته
بسم الله الرحمن الرحيم
وعليكم السلام ورحمة الله وبركاته
طيبة الذكر والفال أم مالك...
ليس كل مايقراء يكتب وليس كل مايكتب يقراء فعموماً شكراً
على التوضيح للأخ مع أني لازلت لاأعلم عماذا يتسائل...
والسلام عليكم ورحمة الله وبركاته
بسم الله الرحمن الرحيم
السلام عليكم ورحمة الله وبركاته،،،
حرارة الشمس
الظهر ماتلقى إلا الواطيين قصدي المواطنين مشكلة هالكيبورد صاريحذف
ويلصق على كيفه المهم الواحد لاصار ساكن في الشمال وأهله في الغرب
يطلع بهم بدري يعني الساعه وحده الظهر ويالله يوصل بهم المغرب من
الزحمات ويكون ضرب خشبتين بعصفور واحد منها وفر تشغيل المكيفات
والكهرب وتحاشا زحمة عقب العصر والمغرب...
وهذا ماأزعج شركة الكهرب فهي الآن تبحث عن حلول جذريه لحل مشاكل
الإزدحامات وذلك عبر وضع قطار كهربائي مزمع (موتي ياأم مالك من
الثقافه لاحظي مزمع الله يستر لاتكون خطاء) تنفيذه قبل عام 3011م فعلى
أهالي الألفيه الرابعه الدعاء لهم وسيتم دفع تكاليف من فواتير أهالي الألفيه
الثالثه فيمنع التذمر ياخي شدوا حزام الآمان...
وبعدين بياعين الحبحب الجح البطيخ هذولي من أهالي الألفيه الثانيه ضبان
مع عمليات تجميل إزاء عوامل التعريه من تغيرات الجو اللطيفه (ياني
صكيت على حسن كراني وعبداللطيف العيوني) وهم مهددين بالإنقراض لأن
قواطي فيري(الكومانوز الصفر) تزيل حتى بقع الإسفلت...
وبعدين حرارة الشمس تبخر فقط الفائدين قصدي الوافدين ذا الكيبورد
ذبحني لأن فواتيرهم تدفع من ضمن التأمين الموفر لهم على رواتبهم
لاكهرباء ولاماء ولاهاتف ولادفع إيجارات كأنهم مواطنين قطريين في دولة
قطر فليه يطلعون في الشمس عشان يطلعون شهب مع الألفيه الرابعه
حاميين...
وبعدين درجة الحراره لو توصل 80 درجه مئويه مافيه أمل يعلمونك لدرجة
أن بعض البنوك منع من وضع عداد قارئ لدرجة الحراره والعدادات اللي
في طريق خريص والملك عبدالله ذابت ولما راجعوا الشركات المصنعه قالوا
مستحيل ياخيييييييييي حناااااااااااااا مصممينها عشان تتحمل لحد درجة 70
درجه مئويه وحتى السيارات منع أحضار سيارات تحتوي على عدادت قرأة
درجة الحراره...
وبعدين شوارع الرياض مسددة (تجيك لوحه مكتوب عليه غير مسموح لك
بالدخول في هذا الشارع وعلى شوارع الرياض لوحات مكتوب عليها نأسف
لإزعاجكم نظراً لقيام بعض الأعمال ويموت ناس وينولد ناس وهي حفره
ماأنردمت)...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
أم مالك
الأخت الفاضله أستاذتي أم مالك الأزدية تحيه طيبه وبعد
(المعاريض لعبة في مخه) نتقدم لك نحن المواطن شيخ النظر شاكياً لله ثم لكم
حالة هذه المتصفحه بدون مداخلاتكم فهي أشبه ماتكون بطلب هاتف ثابت
مقدم عليه من قبل خمس سنوات أو زيادة سرعة الدسل لأربعه ميجا بايت أو
بحساب مواطن خصم منه خمسون ريال كل شهر لأن رصيده
000000000000 أصفار أو بيت وزير يشكو من إنقراض النمل في بيته
وعدم إنقطاع الماء عنه حيث أن وجودك أمراً محتم حتمية وجود العماله
اللذين باتوا أكثر من عدد السكان الأصليين أو حتمية وجود الحفريات في
شوارعنا الجميله فلذلك حفظكم الله وراعاكم نأمل منكم معاودة النظر في
الرجوع لهذه المتصفحة....
ودمتم في رعاية الله وحفظه
مقدمه أخوك في الله / شيخ النظر
مع تحياتي وأسرتي الكريمه اللتي تسأل عنك (أم نمر وغاليه وجميله ونمر
وأبوجاسم والبرهي وتوته)...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
مقابله مع فائد قصدي وافد
شيخ : ياخي غلت المعيشه وأنتم كيف تقدرون تعيشون في ديرتنا وأحنا
ماقدرنا؟؟؟
الفائد: يتبسم عن شفاه سود وأسنان برتقاليه قصدك ديرتنا؟؟؟
شيخ: أيه ديرتكم!!!
الفائد: ياعزيزي أحنا تدفع لنا أجور السكن وقيمة الرخصه والإستماره
والكهرباء والماء ويصرف لنا جوالات مشحونه بخمس مئة ريال ولانتصل
على أحد إلا (كول مي أو كلمني) أو المتصل يرغب أن تكون المكالمه على
حسابك فلذلك نبيع الرصيد للمنتفين أمثالك...
ويعد ل جلسته بوزرته ويستطرد السكن مدفوع ووزارة العمل ماقصرت أدام
الله عزها وفرت لنا التأمين الصحي قبل المدرسين اللي لهم سنين يفحطون
عليه وأحنا بدون مانطلب جانا بارداً مبرد...
شيخ: طيب ياخي سياراتكم الفارهه من وين (يقال أني صكيت عليه)؟؟؟
الفائد: السيارات هذي ليست بفارهه وأيش يعني سياره قيمتها مئتين ألف
ماتشوف وزير الأعدام والتلفعيون عنده بنت أم دبليو بأربع مئه وخمسه
وسبعون ألف ريال عموماً يستاهل على كثرة توظيف النساء ...
هذي السيارات نشتريها من حر أموالنا لأن الكفلاء يصرفون لنا سيارات
قيمتها خمسين ألف ريال مع فواتير الزيت وكروت البنزين بس أنت أصبر
سنتين وتعرف من أين تؤكل الكتف...
شيخ: طيب كيف تصرفون على الأكل والشرب والحلاقه؟؟؟؟
الفائد: من ناحية الأكل أنت تعلم أننا المتوافدين عصابات شرعية...
شيخ: وقاطعته ماذا تعني بشرعية؟؟؟
الفائد: يعني مال أي جهه أمنيه أو حكوميه عندنا حق ولا مشكله...
ويستطرد الأكل والشرب كل المطاعم والبوفيهات والكوفي شوبات من بني
جنسنا يعني معنا من خلال جمعيتنا السريه كروت خصم بنسبة 90 % وهذا
المبلغ تقدر توفره بأي لطشه...
ومن ناحية الحلاقه أنتم تحلقون عند هندي وإلا بنقالي دقن وشعر بعشرين
وإذا صار واحدكم نشبه خمسطعشر ريال بينما أحنا دقن بريالين وشعر
بأربعه ريال...
شيخ: طيب الملابس؟؟؟
الفائد: من ناحية الملابس أحنا المستوردين وكفلائئنا بهايم فنلبس الجديد
وننزل لكم الأستوكات بسعر الجديد وربعكم مخفات مع الخيل ياقشرااااا....
شيخ: قصدك ياغبرا قصدي ياشقرا...
الفائد: شفت أنتم تجيبونها لأنفسكم أنا عارف بس ماحبيت أذكر الجو
بالغبار...
شيخ: طيب وفلوسكم وش تسوون فيها؟؟؟؟
الفائد: أمسك الخشب...
شيخ: ليه الطاوله ترقل بتطيح...
الفائد: يعني تفل علينا لاتحسدنا...
شيخ: واصكه بذيك التفله (وأنتم بكرامه)...
الفائد: فلوسنا ياعزيزي على طول تحويل عشان ممكن يصحى عندكم
الضمير وتسوون لنا قانون من أين لك هذا فلذلك نحن نستثمر فقط 25 %
من مدخولاتنا والباقي يحول لتعمير بلداننا...
شيخ: طيب كيف الوضع عساه عاجبكم؟؟؟
الفائد: يعني نص ونص...
شيخ: ليييييييييييييه!؟؟؟
الفائد: لأننا صرنا نشوفكم تقارعوننا في التجاره والبيع في الشوارع
وبصراحه من هذا المنبر أناشد كل غيور على منع الباعه المتجولين فهم
خربوا هذا البلد العزيز وشوهوا شوارعه....
شيخ: طيب وشلون كيف الحاااااااااااال؟؟؟
الفائد: ويضحك ويربت على كتفي قال الله يقلع شيطان شعب طفران
وألتزامته كثير لابد من كيف الحال عشان يعيش ونستمتع أحنا...
واللي توه جاي جديد لهذه الديره يتسلى بالخادمات...
شيخ: كلمه آخيره تحب تضيفها؟؟؟
الفائد: شكراً لكل سعودي غيور يأخذ ألف ريال على تجديد الإقامه ويدعنا
نسرح ونمرح بلا رقيب ولاحسيب والله لايغير نظام الكفاله أبد وشكراً لإدارة
الزواجات على عدم تكثيف الحملات التفتيشيه وشكراً وزارة العمل والعمال
(ياخي في ديرتنا مافيه وزارات بأسمائنا) على تسهيل إجراءت أستخراج
الفيز للمستثمرين والشركات وشكراً لك أخي شيخ...
والسلام عليكم ورحمة الله وبركاته،،،
[align=center]وعليكم السلام ورحمة الله وبركاته
إيييييييييه يا شيخ النمر
مبروووووووووك التثبيت
عقبال العلاوة
ممنوع طال عمرك التأخير والتغيب عن هذه اليوميات
فجميع جمهورك يترقب الحلقات
بعدين الله يحفظك وصلتني رسائل
من خارج البلاد يبونها تترجم بجميع اللغات
قلت سهله اللهم الأوردو ما أعرف له
الله يسعدك في الدارين ويسعد دار الكرم والعز
درة المجالس
والجمهور اللي فيها
والإداريين والمراقبين
وأنا [/align]
بسم الله الرحمن الرحيم
السلام عليكم ورحمة الله وبركاته،،،
سري وليس للنشر
بعد إعلانات تجاريه وترويج غير طبيعي في هذه المتصفحة والإستراحات
وبيوت العروس والفنادق لدرجة أن خطوط فرحان والعيّار أدخلونا ضمن
أعلاناتهم السياحيه ولله الحمد فبعد مداولات عنيفه ومظاهرات في بيتنا (جحر
الضب) والحاره تكفلت لنا أم نمر بعد الله سبحانه وتعالى بضمان حق العيش
في جحر الضب دون عناء البحث عن لقمة العيش الإضافيه وذلك بمساعي
قويه من وزيرة الخارجيه جميله أول برايت قصدي بنتي الله يحفظها إلى جمع
رؤس الحاره وفتح مطعم مندي للروس والكوارع يوووووووووووه قصدي
إلى أتفاقية سيتحدث عنها أحفادنا تضمن لنا حق المشاركه في المزايين القادم
لأننا أصبحنا من أعيان المجتمع وكانت الأتفاقيه هي النفط مقابل الغذاء عفواً
الغذاء مقابل (الباستري والديزيرت (pastry & dessert)) المعجنات
والحلويات وبذلك نضمن حق توفير مصاريف الحفلات التي أصبحت مرهقه
مابين خلاقين وصوالين حلاقه قصدي مشاغل نسائيه وتنص الإتفاقيه على
الآتي :
1. تطبخ أم نمر وبناتها بمساعدة سارونه (الوجه الجديد الخادمه) الجريش
والقرصان والمرقوق مع المحلا والحنيني والمراصيع وتكون قيمة الطبخ
الحلويات والمعجنات مع جزء من المقبلات وجزء من المفطح.
2. في حال كان لدينا مناسبه أو عرس خلاقينهم يعطوناها لعيالنا للحضور
بها ومن ثم أستردادها مغسولة ومكويه...
3. يتم إرسال سارونه (الوجه الجديد الخادمه) إلى أي بيت من الحي يكون
عندهم مناسبه وذلك مقابل مبلغ مالي يعطى لأم نمر يتراوح مابين المئه
والمئتان ريال حسب سريت (روحت) ضيوفهم.
4. يعمل بهذه الإتفاقيه بمجرد الرجوع للمدارس بعد هذه العطله الطويله
الممله المستنزفه لجيوب المواطنين قصدي الساكنين في حيّنا.
5. يمنع منعاً باتاً دخول يووه قصدي نقض هذه المعاهده إلا بعد دفع
غرامه ماليه قدرها تسديد دين البقاله لشهرين لجميع سكان الحي.
6. بنود هذه الإتفاقيه تبقى سريه واي تعديل يطرئ عليها يستوجب أشعار
جميع الأطراف المعنيه.
وبعد هالإتفاقيه أكتشفت نذالة عيالي (دموع وخلفيه موسيقيه حزينه حيل أبي
تتقطع قلوب المشاهدين قصدي القراء) صاروا يأكلون كل شئ ولايخلون إلا
العظام وبقايا الحلا والمعجنات والمقبلات التي لايشتهونها للكادحه سارونه
(الوجه الجديد الخادمه) ويقولون أحمدي ربك (أنتي أحسن من غيرك) لأن
الناس في منفوحه والعود من بني جنسنا عايشين على بقايا الولائم
والإحتفالات غير اللي ماأعلنوا عن أنفسهم ويكفي أعلان
الشووووووووووووونه عن ثلاثة ملايين وثمان مئة ألف خادمه هاربين
ومازال البحث جارياً عنهم وعلى من يجدها تسليمها لأقرب فرع للبنك الذي
سيمنحه قرضاً لشراء بيت وتكون الأرباح فقط ضعف مبلغ البيت
(يابلاااااااااااااااااش)...
والسلام عليكم ورحمة الله وبركاته،،،
دورو شغالتي معكم خدمة لوجه الله
كاترين ( كريمة ) فلبينية صهباء كرعاء مصقول عوارضها طقم أسنانها عندنا في شنظتها وهو مابقي منها
إيرا أندونيسية بودي قارد تنفع ملاكم تجيد فنون السحر الأسود
رحمه مهجنه نصف حضرمي ونصف أندونيسي
تقطع الخميرة من البيت
ومن يجدهم سنمنحه مكافأة خادمة بنغالية محلك سر
لا لغة ولا مخ ولا فيها دبرة
بسم الله الرحمن الرحيم
السلام عليكم ورحمة الله وبركاته،،،
رفع الله القدر...
وثبت الأجر...
وبارك للجميع بماأعطاهم..
أشكر الأخوة في دار الكرم والعز
درة المجالس
والجمهور اللي فيها
والإداريين والمراقبين
وأم مالك الطيبة...
وأسئل الله أن يجعل في مانكتب إصلاح لأنفسنا ولعامة
المسلمين...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
الأخت الفاضله أم مالك
هذي بتلاقينها في الصناعيه القديمه عند فلبيني ميكانيكي (كيف الحاااال)
(تمارس الرذيله) الدخله بمئتين...
وهذا النوع يصعب إجاده نظراً للتنظيم العالي الجوده في الصناعيه سكن
داخل الورش وفي السيارات وفي بعض المحلات التي تبيع قطع الغيار
خصوصاً أن سفارتهم مدعومه على الخط السريع من سائق تريلا خربانه
فرامله...
هذولي مواصفات تلاقينها في الإستراحات اللي في رماح مسئوؤل عنهم
راعي ليموزين يأجرهم في الشهر بألف وخمسميه يأخذ الثلث منها ولها
الباقي...
إضافة لممارسة الشعوذه والسحر في حلة القصمان زباينها الحريم اللي
يبون يربطون أزواجهم لايتزوجون عليهم وتلاقينها مع البساطات وأيرا
حارسها الشخصي الجني اللي مايطاوع تدبغه..
وهذي لاتستعجلين عليها بتنحاش يامع حق المسجد وإلا راعي البقاله وحذرتك عشان تكلبشينها في السرير لاصرتي نايمه...
وعلى عينك ياشئون الخادمات...
وتقبلي لقافتي لمساعدتكم في البحث عن المعنيين أعلاه ومن أراد أن يبحث
عن خادمته أستوجبه الإعلان لدينا ماعدا ذلك ستطبق عليه أشد القوانين
المعمول بها في المنتدى...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
قريب الفرج
اليوم كاشخ بالغتره البيضاء والثوب السعودي ومتبخر ودهن العود اللي
تفوح ريحته في هالمنتدى من طيب أهله....
ياشين التزكرت على جيب فاضي...
عشان مودي أم نمر لأهلها (كلهم خالها في منفوحه وأختها في خلة بن
نصار) والله وكيلك يجينا ذاك العج اللي رجعنا كننا عمال صيانه في وزارة
المعارف...
وصك ولاتصك الدرايش وانواع الكحه والأوجاع ولو رحت لحدا
هالمستشفيات الحكوميه (ماينس ستار) لقيت سلندر واحد بخار والناس
زحمه عليه...
أما المستشفيات الأخرى (فايف ستار) فهي فقط للأخوه المغتربين من
السودانيين واللبنانيين وغيرهم وإلا يادافع البلا في الأسياب وبكره يطلع لك
واحد من شركة قوارير الصحه يقول هذا الكلام مردود عليه (عيال منسوبي
وزارة الصحه يعالجون في المستشفيات الأهليه)...
ماعلينا المهم وصلنا لمنفوحه إلا كل عايره فيه باكستاني وإلا تكروني
يشرون بقوارير صحه ومناديل قلت (أسمع ياراجنو تغير الولد مبدئ حسن
النيه) يمكن يبيعون للي مسيريين على أقاربهم وجاهم عج مويه ومناديل
يغسل وجهه ويمسح إلا هذا ابوناصر خال المدام وتنزل والبزران يحبون
راسه وأنا قبل أسلم قال وأنت يالقاطع(وأغطي ورقي قلت من تسجيله؟)
المهم وكالمعتاد في هالديره قهوه وشاي يعني من حراره في حراره
ومجلس أبواصر يذكرك بقصر المربع والمصمك مازال طين في كنديشه
صحراوي والمساند حمر أم حمامتين ووجار وكمار ونص الجدار جص
والأرضيات سمنت عليه زل أحمر والمويه في زير وأسلاك الكهرباء على
الجدران طالعه كأنها توصف لك الفيش واللمبه والمروحه....
ويأذن وقال يالله نقوم نصلي وأول ماطلعت إلا وأدور سيارتي ولاألقاها
وأتلفت يمييييييييين وأتلفت يساااااااااار وأشوف إلا سياره كأنها هي بس
ذي بدوووون خطوط ومرفعه على بلك وأقرب لينهم جيرانه التكارنه
نافضينه نفض حتى الخطوط مغسلينها (مالهم قلب على سياره وصخه)
ويشوفون هالكشخه ويصفون طابور يحبون رأسي وخشمي وقال هاه أأأم
شيخ أيش رأيكي؟؟؟
قلت بارك الله فيكم وثبت خطاكم في تنظيف أي سياره والمهم نروح المسجد
لين هالمسجد مايصلي فيه إلا صفين وكل صف فيه 13 شخص كلهم من
السعوديين القدامى أهل منفوحه الأصلييين (للي لين نشدته وش ديرتكم قال
لك الرياض يعني متمدن الرياض كانت منفوحه) والأمام هو أبوناصر
ويصلي بنا ومن يسلم يقوم واحد من المصليين يشكي فواتير الكهرباء
والماء والديون وأنه محتاج ويقوم ويجلس في الصف الآخير ويفرش
فواتيره إلا ويقومون المصلين ويصفون جنبه فارشين فواتيرهم يحسبوني
أمير يسمعون بمغامرات اللي عطاهم فله وسيارات وأرصده في البنوك
وشاعر تكفا تكفا ماخذ إلا ثلاثة ألاف ريال...
ومن تسنن أبو ناصر وسلم قال يالله نمشي فقمت ومشينا ولما شافوني مع
أبوناصر عرفوا أني نسيبه فيقال أنهم بيصرفونها فقعدوا يسبحون ويهللون
وهم منزلين روسهم...
وأنا أقوووول قريب الفرج إن شاء الله فدعواتكم...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
مصايب
مصيبة عن مصيبه تهون يقول جاري اليوم سيارة الغاز وهي تنزل له غاز
إلا ويجون أثنين شباب يركبون الدينا ويمشون وقعد أبو يمن يصرخ ويتصل
بالجوال ويقول أسئله كم أسطوانه في السياره قال حوالي 70 أسطوانه
ضرب 180 يساوي 12600 (وأنا زعلان على ثلاث أسطوانات) بس
السؤال لو أنفجرت هالسياره في أحد الأحياء فكم ستكون التكاليف؟؟؟
وإلا شركات التأمين هي العزاء للمتضررين؟؟؟
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
مصايب
صباح الخير...
تقوم الصبحيه ووتمغط بذيك الفنيله المشقوقه من الجنب (أم بطه) وتبان
أطراف الكريشه...
ثم تدربا للحمام (وأنتم بكرامه) وتصفق جبهتك في برواز الباب ثم تمسح
البرواز (لأنك ممسكه بمسمارين وتخاف يطيح) ثم تتسبح بذيك الليفه (اللي
كانت تشتغل كيس بصل فلما شغلت واسطاتها صارت ليفة جسم) والمويه
تنزل عليك من ذاك الدش (اللي يتهزز كأنه حلاق يشيل شعر الوجه بالخيط)
وأنت مبسوط تحت ذيك المويه اللي لاهيب بارده ولاهيب حاره
(((لاتتميلحون ماهيب دافيه))) وتمد يديتك بتآخذ قارورة الشابو ذاك
الإحيمر إلا ويرق على يدك (صرصار أو صارور أو صرصور
Cockroach)
(وأنتم بكرامه) عاد من زين النفوس وتحرك يدك بسرعه وتنكسر قارورة
الشبو وتزلق أنت فيها وتطيح وبعد مساعدات من حولك يقومونك وأنت
مغطى بحرامك حق العمره الأخيره وعلى رأسك فوطت البيالات وأنواع
الفقس والخلطات الشعبيه مرّه عن الشمم حلتيّته للإمساك وصبْره للوالده
لأن كثير من الناس مايميز بينهم يحسبهم واحد ولي حضور بخصوص هذا
الموضوع (الله يرحمك ياأمميتي علمتيني كلش) وأنت تونوون والبيت كله
ملموم عليك كنهم فراشات متجمعين على ورده (ياخي روعه هالصوره بس
لاتتخيل ماراح تجي معك)...
وكلهم سم ولبيه والوجيه نص أبتسامه على سلامتك والنص الثاني متكدر
على طيحتك...
ياأخي ذا المواقف الطريفه (حلوه الطريفه وهو يضحك وتبين أنواع الحشوه
في ضروسه والمخرج نذل يسوي زوم عليه (يقرب الكاميره))...
ومثل هالمواقف إذا صار الواحد تاجر بيفقدها والصدق يالمّة عيالك وأمهم
عليك ومعك ثم يجيك صحين ذاك الفول وذاك الشاهي الحار((ياهواة الأيس
تي)) تحت ذيك الكنديشه (مكيف صحراوي) وتأكلون وتوته تغط والزيت
يسرسب من كوعها والبرهي يبدد على الأرض والباقين يطالعون في بعض
(نظرات تقول حومت سبدي ماتعرف تاكل) وأمهم تدلعني كل لقمه بعد لقمه
(ليه لين طاح الواحد يزيد غلاه؟؟؟ طيب أغلوني قبل أطيح!!!)...
ثم تشرب الشاهي وتنسدح كنك مطرحه ممدوده...
فرحم الله الإمام العلم شيخ الإسلام أحمد بن عبد الحليم بن تيمية - طيب الله
ثراه (ما يصنع أعدائي بي؟!! أنا جنتي وبستاني في صدري أنّى رحت، فهي
معي لا تفارقني، أنا حبسي خلوة، وقتلي شهادة، وإخراجي من بلدي
سياحة)...
فمثل هذه الحياة وحميميتها أن كان المال والبيت بيفرقها فلا أبييييييييييش
بس خلوني كذا سعيد...
فالحمد لله حمدا كثيرا طيبا مباركا فيه على نعمه الظاهرة والباطنة وبحمد
الله تزيد النعم ...
﴿ ولإن شكرتم لأزيدنكم ﴾
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
نصيحة
نصيحه يابشررررررررررر...
إذا صرت تعرف أحد في المرسلاااااااات وماجاورها نصيححححححححححه لاتروح له خله هو
يجيك وش ذيك الأحياء (اللي يبي لك براد شاهي تلقيمه السكر برا وأثنين حجر أفقع بهم رأس
الغبي اللي قدامي ياقهاوي جده)...
ياخيييييييييي الدخول لهم صعب (ومستحيلة الحل في ص) أووووه دوختني الرياضيات ومستحيل
الخروج منه كنك في سكيك شارع السباله عام 1385هـ من سكه سد لسكه سد تلاقي منفذ أن
مادخلت معه يبي لك ساعه عشان تظهر منه...
والمرض صدق إذا ظهرت منه بعد عمليات قيصريه وين بتروح الدائري الشمالي تفاتيش
(هااااااااااع أكثر المشاكل من عندكم يالتجار)
والدائري الغربي كنه عجوز تلقط رز يالله تلقا لك درب تتحرك شوي معه
وطريق الملك عبدالله صدق اللي قاعد يسوي التحويلات فيه شكله ماركب سياره أبد تمشي إلا في
وجهك صبه ترقى رصيف وتنزل على منفذ وسواليف...
أما طريق الملك فهد ياويييييييييييييييييييييحي من المتقرر أن يحطون فيه طيارات هيليكوبتر لبيع
الإيسكريم والبليله والذره ومن المقترح عمل جلسات بين السيارات لأنه أشبه مايكون بموقف
سيارات...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
أول يوم
ياااااااااالله اليوم هو أول يوم في الدوام المسائي وياهالوقت تقول أطول وقت
في اليوم وفوق غثاثة الدوام غثاثةأنها عطله يعني لازم تودي عيالك
وبالتالي ستتأخر وبالتالي أبو عبدالله يمكن ينكسر فيه ضرسين ثلاثه من
التأتأه الله يشفيه (تتتتتتتتتتتتتتتتتتتتتتتتتتتتتتتتتتتتتتتتت ترى
ببببببببببببببببببببببببببببببببببببببببببببببببب بأرفع
فيييييييييييييييييييييييييييييييييييييييييييييييييييييك)...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
مجرد رأي
مجرد رأي لايفسد للود قضيه
كي تبقى هذه الدرة عامره يتوجب وجود مشرفين حقيقين (وهذا لايقلل من
جودة الموجودين) فبعض المواضيع للأسف تنفع للتعقيب على مواضيع
وهذا خطير جداً فالألقاب التي تضاف تحت أسم المشترك جعلت البعض
يلهث وراء الردود الغير مناسبه والتي ستنهي جودة ماهو مطروح أضف
لذلك كثرة المواضيع التي أبعدت عن المستمع لصيت الدرة جودة مايقرأ ففي
الحوار المفتوح يتوجب أن يكون الموضوع حوارياً ماذا وإلا ينقل إلى
الساحه المناسبه فتجدني وعلى نحوي الكثيرون يهاب طرح الموضوع من
حصافته وبيانه وتكامل جوانب موضوعه وعندما يفكر بمداخلته يفكر ألف
مره لأن الرأي أمانه وطرح أي موضوع يحتاج إلى تفكير وتسأول مالذي
سيضيفه هذا الموضوع للدرة...
والله أعلم
وتقبلوا لقافتي
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
العين الحمراء
ياوالله النشبه أنا في الدوام والصفحه اللي مالقت تغير إلا على هالحسي
وأتصدد بها يمين ويسار والمشكله أبو عبدالله يبي يطلع دوره أسبوعين
لديره كنت أروح لها من أول ويبي عناويين وتوصيف جاي بقهوته وشاهي
وهالمتصفحه بدايته تأتأته وكنه يلمح أسمه وحروف واجد وقال
((( ووووووشووووووووو ذا ياااااااابو نمر قلت سخافات في النت)))
حركات الشباب...
المهم وأنا طالع من البيت اليوم بعيالي إلا أم فهد (عمدة الحاره) راجع
الإتفاقيه...
تمشي بعرجتها في الشموس توقفني وقالت ياأم نمر لاتكثرون الروحات
هالويك أند (طبعاً أم فهد عندها أربع شغالات فلبينيات وقالبه بيتها لنادي
نسائي وكوفي شوب) وبما أنها مره كبيره وذات نفوذ مالي وخداماتها يلعبن
كراتيه فلها إحترامها في الحي ياخيييي العمدة قالت أم نمر ليه؟؟؟
قالت فيه شغل هالويك أند ونبيك غداء وعشاء وسارونه يمكن تحتاجها أم
سامي 72 ساعه (جزاء عسكري) يعني فيها موني دراهم فلوووووس
قرنقششششششششششششششش....
وعلى خلفية هذا الموضوع جميع من في الونيت تناتقوني برقبتي أنا أبي
وأنا أبي (شاديه أبي فوق الشجره) لين كلها 61 ريال فأخذت أم نمر 21
ريال وغاليه وجميله على عشره ونمر وأبوجاسم والبرهي وتوته على
خمسه والشغاله عطيتها كروت المطاعم فأنبسطت لأننا للحين ماعطينها
رواتبها فتعتقد أن هذي دراهم....
المهم قلت يستاهلون دام هالويك أند بيجيب لنا موني دراهم فلوووووس
قرنقششششششششششششششش....
المهم مع الحر والعج ذبحني العطش وأشوف حرارة الموتر كنها باديه
ترتفع وأنا داخل من الدائري الجنوبي على السلي أرطرط (بالقصيمي
أربص) من العرقان وألبق عند ذيك البقاله ومن دخلت كل اللي في البقاله
طلعوا بسرعه للشارع يحسبون تنبأت الطقس صدق وصب المطر مادروا
أنها عرقة شمس الرياض...
وأفتح الثلاجه إلا قارورة الصحه أم أربعة أريل تغني لي (اللي شفتوه أبل
ماتشوفك عينيا عمر ضايع يحسبوه آزاي عليا) (وألقطها بالأحضان
وتشوف الكويه في علباي وعرفتني صارت خالتي من الرضاع وتصير
البقاله بساء وينفظون لك المناديل كلها) المهم وأشربها وأكبب على ملابسي
حقت العمل ثماً أجيك على عصير بااااااااااااااااااااااااارد وأفكه وأشرب وألقط
لي شغلات عشان الدوام المسائي...
ويطقطق آلته أبو هنيده وقال 13 ريال ثماً كانت
المصيييييييييييييييييييييييبه...
يؤؤؤؤؤؤؤؤؤؤؤؤؤؤؤؤ وبعد يؤؤؤؤؤؤؤؤؤؤؤؤؤؤؤؤؤؤ
قلت له أتصل على 999 وريحناااااااااااااااااا قال إيش مشكله؟؟؟؟
قلت مامعي ولاقرش ولاعنده شبكه ولابه صرافه قريبه (بيقنعكم أن في
حسابه دراهم) مير ويغمى على الهندي مافييييييييييييييييييييه
فلووووووووووس ليه يارب أنا يجي هنا في بلد هزا كل نفر مافيه
فلووووووس...
وأقعد أحلف وأقسم له أني لأجيبها له اليوم وأنا طالع من الدوام وأثره
(بوذي هندوسي) طيب وش أسوي رجعت الأغراض وطلع حسابي خمسه
ريال قلت خلاص بكره قال لااااااااااااااااا يالأجودي يالطيب ويقول جيب
بطاقه وإلا جوااااال قلت ياهوه البطاقه أمر من وزير الداخليه ممنوع نعطيك
أياااااااااها ويفتح لي الدرج لين بطايق النسيم والسلي كلها عنده غادي كنه
فرع للأحوال والدرج الثاني دفاتر عائله...
قال شوف أنتي يجيب بكره شيل بطاقه قلت مجنوووووووون ذي فيها سجن
وعاد الداخليه عندنا ماينلعب معاهاااااااااا قال طيب جيب جوال قلت صاحي
جوالي بميه وثمانين أعطيكيه عشان خمسه قال طيب ممكن أنت
يموووووووووووت مين أنا يدفع فلوووووووس وأكتب له أقرار وأحط
أرقام أهلي كلهم ولاأقتنع وأجي بأمشي وينسدح تحت السياره ياآدمي
وخررررررر ورأسه وألف سيف يبيني أدعسه (سامع بقطات المزايين
يحسب جماعتنا بيقطون لي ديته) لاحول ولاقوة إلا بالله وأدق على سلطان
واحد من الشباب ينفع في الفزعات لحد خمسين ريال وبعد ذلك يدق الفليشر
ويرفع يديه المهم ويجي وآخذ منه خمسين وأحاسب هالهنيدي وأروح
وأسمعه يتمتم كلو هزا نفر في هزا بلد مايجي إلا بالعين
الحمرااااااااااااااااااااااااااااااااااااء ...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
بطاقه
مئه وأثنان وستون دوله موجودون في دوله وهم بخيرها أولى...
ولو جلسنا مع فائديييييييييين قصدي وافدين قال لك آخخخخخخخخخ لو
معي بطاقه...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
سرعة
أسرع كائن على سطح الأرض؟؟؟
شاب راكب كوريلاااااااا بدون طيس لو تفتح الباب طاح منها من قوة ماهو
متسند عليه يمشي على الدائري رايح للثمامه يوم الجمعه بعد الصلاة
ومطول على المسجل على الآخير يسمع 50 سنت وإلا سنوبي داقي دااااق
ولايدري وشهو يقول!!!؟
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
ليه كذا؟
دعوه للفضول (ليه كذا؟؟؟)...
تجي توقف عن مكينة صراف وتلاقي شاب واقف عندها كل اللي في رصيده
مئه وخمسون ريال وتلاقيه واقف قدام مكينة الصرافه كأنه في فلم أمريكي
بيفكك قنبله وإلا كأنه جالس يحل دافنشي كودز (كتاب التفاهات رموز
دافنشي) يدخل البطاقه ثم يطلب كشف حساب مع طباعة إيصال ثم عمليه
آخرى سحب نقدي ويدخل 150 ريال وتقول له المكينه نعتذر عن إجراء
العمليه فقط مضاعفات المئة ريال ثم يطلب مئة ريال مع طبعة وصل وبعد
مايستلم البطاقه والوصل والمئه يقعد يناطر فيها يروح ويرجع تقول أنها
بتبيض له فلوس...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
تخلف وبدائيه...
تجي بتلف يمين وتلاقي واحد قليل حياء طلع من الصف الأخير ثم جاء
قدامك ولين أول الأشاره كله سيارات متناثره (كنهم درب بزر يأكل رز) من
المستعجلين اللي مايبون ينتظرون وهالحقير من ضمنهم وأنتظره لين تولع
الإشاره عشانه بيروح سيده ولايهونون اللي يسدون المديور (كنهم ورق
كنكان في يد مبتدئ للعب)...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
تحف فنيه...
تدخل البنك وتسحب رقم وتجلس تنتظر ومن يجي دورك تلاقي واحد لابس
بشت خشب قصدي صوف وعليه شماغيين واحد للزيارة الشحاذيه والثاني
لمراجعة الدوائر والبنوك يجي وراك يكلم (التيلر) أمين الصندوق يسأل
دخلت الشرهه حسابه وإلا لا ثم تقول له ياخي رح أسحب رقم ثم يطالع فيك
ويتحمد...
إلا الشرهه ماهي العتب وإلا تغيرت اللغه؟؟؟ (يرفع إلى الأساتذه الرائد 7
وأم مالك مع التحيه لشرح مصطلح الشرهه)
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
قمة الدياثه
تلاقي واحد مع زوجته في السوق ومن تدخل زوجته محل للملابس الداخليه
تلاقيه يوقف عند الباب ناقص يفرش معروضه ويشحذ وزوجته تساوم
العامل وتبايعه على مقاسات الملابس الداخليه (اللانجري) ويبتسم في
وجهها ويقول شووو رشيق جسمك لأنوووووه معظم السعوديات
مابيشروووا من عنااااااااااا...
ثم يجيك ويقول يقلع أم السعوديات مافيهن رومانسيه...
وإلا ينزل زوجته لوحدها في مجمع تجاري عشان تشتري ملابس داخليه
ولامعها محرم يفاوض وويوريها...
ولايهون اللي يخليها تشتري لنفسها محارم نسائيه وحلاوه وغيره...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
أزمة السكن
إثنين مليون وربع متر مربع منها إثنين مليون متر مربع محميات وشبوك
وملكيه خاصه والربع المتبقي مساكن فارهه وقصور لدرجة أن الدول
المجاوره مشتكينا على مجلس الأمن نظراً لإنتشار الشقق على حدودهم
وفي الخطه الخمسميه القادمه أبشر الجميع سوف يكون هناك مخيمات
للباحثين عن سكن فعليكم المسارعه بتسجيل أسمائكم عشان يضمنون
أحفادكم السكن في الصحراء الكبرى في الجزائر أو إحتمال في صحراء
نيفادا إذا كان من ذوي العقول....
وصبراً جميل والله المستعان
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
شرط الخبره
لماذا معظم المسئوليين أعمارهم من الخمسه وخمسين وفوووق هل من
إشتراطات الحقائب الدائريه أن يكون عمر المتوفي يناهز المئة سنه؟؟؟
أهااااااااااااااه هذا شرط الخبره اللي معقد الموظفين أجل من وين بيجيبون
خبره إذا ماكانوا بهالعمر!!!!
وبعدين الشباب عندنا ماعرفوا يتحملون مسئولية مره تلبس فستان على
الكتف وتتلطم في هالشوارع ومعها ثلاث جوالات (فسفس ومن) عشان
يتحمل مسئولية وزارة الله يهدينا بس...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
ماعرفت أربي عيالي
ماعرفت أربي عيالي كيف بأكووووووون مصلح أجتماعي؟؟؟؟
أمس أم نمر والعيال راحوا مع خالتهم لأهل عديلي وهذولي من الطبقه
الألماسيه اللي يأكلون المفطح بشوكه وسكين...
وبماأنهم تجاااااااااااااااااااااااااار فأكيد عندهم قصر كبير وبمعيته أستراحه
تحتوي على مسبح وجلسات وشغل مرتب (شوفو ياضعوف) المهم وأروح
بعيالي في الونيت لبيت عديلي اللي يعز الدراهم وعشان كذا للحين ساكن
في حلة بن نصار لدرجة للحين عنده الريال اللي عليه صورة الملك فيصل
طيب الله ثراه...
ومر الوقت وأنا في دوامي والأبراج عندي غير موجوده ولاأنتبهت إلا
الساعه عشر وأطفي الجوال وأشغله وألقى طعشر مليون موجود من جميع
جوالاااااااات عيالي وأمهم وأنا يارب سترك وأدق على أم نمر
وشفففففففففففيه قالت تعااااااااااااااااااااال خذنا بتقووووووووووووووووم
الساعة قلت الله يستر جاكم المسيح الدجال ويأجوج ومأجوج قالت
أعظظظظظظظظظظظظظم واقلّب هالراس وشهي علامات الساعه الكبرى أيه
بس أحنا في الليل ماأمدها الشمس شرقت من المغرب قالت أقول لك
تعاااااااااااااااااال بسرعه وأستأذن أبوعبدالله وعلمي به يقول
(سسسسسسسسسسسسسسسسسسسسسسسسسسسسسسسسسسسسسس
سسسسسسسسسسسسسسسسسس
سسسسسسسلامات يابو ننننننننننننننننننننننننننننننننننننننمر) إلا وأنا عند
مخرج ثمانيه رايح لبيت أهل عديلي وألقى عيالي وأمهم عند الباب وأبو
عديلي من شافني قال ماعرفت تربي عيالك إلا على التخلف والدبور قلت
لييييييييييييه وش جاك منهم قال أنشدهم وهم يعلمونك ويصك بابه
ويدخل...
إلا وتنقلب السياره عندي مظاهرااااااااات الكفار الزنادقه ال ال ال وشفيكم
قالوا حرمه تتسبح مفصخه ماعليها إلا قطعتين قص ولزق على صدرها
وحوضها وحرمه تدخن وحرمه ترقص مطوله على المسجل بسمعات كبار
وحرمه قاعده تشيششششششششششش أرقيله قلت هاااااااااااااااااااااااااااه
تباً لهم فلن نركب ونيتنا ونسوي فيهم عمليه إنتحاريه وننسفهم بحزام
ملغم...
ومن مايميز عيالي رغم وجود الحرب الأهليه فيما بينهم ولكنهم يتوحدون
صفاً واحد أمام كل باغي على أحدهم ولاتهون أم نمر عياااااااااااااااالي
عيااااااااااااالي بيبيبيبيبيبيبيبيييييييييييه (الهنود الحمر)...
قال نمر أنا كبيت في وجه اللي تدخن مويه وطفيت دخاااانها وذبيت الكرتون
في المسبح...
قال أبوجاسم وأناخذت الجمر والشيشه حق اللي تشيش وكبيته في المسبح
على المفصخه لأن أستاذ الحلقه يقول كذا عقاب المتبرجه تشوى في النار..
وقالت جميله أنا شبكت المسجل في 220 عشان يحترق وقالت السماعات
بوووووووووووم..
وتوته تقول كبيت أسيد (موية نار لقتها في الحمام (وأنتم بكرامه)) في
الخيمه والمسبح عشان ماأحد يرقص ولايسبح....
والبرهي يقول أنا رقيت فوق سطح الباب وقعدت أرجم اللي يلاحقون
أخواني...
وأمي قاعده على طاولة الطعام تخطب فيهم أتقوا الله أيها الكفار فإن الساعة
قريبة من جراء أفعالكم...
وقالت غاليه أنا فرشت السجاده وقعدت أدعي لرجال الحسبه أخواني وأمي
وأدعي على أهل الفجوووووووور (الأمر بالمعروف والنهي عن المنكر من
الإيمان وليست وظيفه فعلينا جميعاً مؤازرت أخواننا حماة الفضيلة)......
لين طردونا عند الباب بعد ماراحت ثنتين منهم للمستشفى من أثار
الترجييييم...
وأنا أحمد الله أني ماعرفت أربي عيالي...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
الليموزينات
أيه يالليموزين وماأدراك مالليموزين...
ربعنا يطلب من السواق 200 ريال غير البنزين والزيوت وأكله وشربه
وهالمساكين شروى أم نمر يحسبون أن الليموزينات تطلع دراهم وبالله كيف
تطلع دراهم وشوارع الرياض زحمه بينما تكثر الليموزينات في الغاله
وأطراف البطحاء والشميسي ويروحون لرماح كثير وإستراحات ديراب
والمزاحميه وهذا المربح الكبير بالنسبه لهم وأنا مامنيش أضرب هالمشاوير
وأربي نفسي وعيالي على السحت...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
أبو جاسم
اليوم الصباح لقيت أبو جاسم جالس ومركي وعمره تسع سنين قلت
سلامات يابو جاسم بعنا في السوق قال يباااااااااااااه لو أمي سوت زي
الحريم اللي البارح وش بتسوي بهاااااااااااااا؟؟؟
بصراحه والله ماعرفت وش أرد...
ثم أستدركت وقلت يابوجاسم أمك أرفع من هالمقارنات وتبسم وقال صادق
أصلا البقره اللي نطلت شيشتها تقول عيب ياولد أنا كبر أمك وقلت لها
(تخسسسسسسسسسسسيييييييييييييييييين) لو أنك أمي كان تبريت منك
وخليت أبوي يدعسك بالسياره...
ثم قام وحظني وقال الخليفه ذو النوريين عثمان بن عفان رضي الله عنه
كانت الملائكه والنبي صلى الله عليه وسلم يستحون منه لأنه لايرى حتى
عورته فكيف بالنساء اللي يطلعوووون عيبهم أمام النساء وفي الأسواق
أمام الرجال...
فحمدت الله بعيون دامعه وأنا متحضن له وأقبله على جبينه أن الله تكفل
بحفظ هذا الدين إلى قيام الساعه فهذا طفل والله لم أعلمه كلمة مما قال غير
أصطحابه للمسجد ومتابعته في البيت والمدرسه وإدخاله في حلقات حفظ
القرآن فأسئل الله أن يصلح به وبأخوته وأخواته وجميع المسلمين
والمسلمات...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
النظام
يقولون في معهد العماره اللي قريب من دوار أبراج التحرير الكويتيه في
أثناء أحد الإجتماعات وتلاقطوا الدخاتره على ليه أنتم تأخذون الساعات
الإضافيه ب 250 ريال وأحنا نأخذها ب 160 ريال وإلا عشان واسطاتكم
تأخذونها بالأحتيال على النظام عن طريق مركز الأعمال وبعد صجه ولجه
لاحظ بعد كم سنه بيترشحون وزراء فاصخين العقل على بعض ويقول له في
أممممممممممممممك خير أطلع لي برااااااااااااااااااااااا....
وبالنسبه للشرهات نفسي ومنى عيني أجربها يقولون تبطي أكثر من الراتب
لأنها جت بدون تعب!!!!!!!!!!!!!!!!
صار لي أفحط 14 سنه أبي أغير دوامي لفتره وحد ولاني قادر
والغبننننننننننننننننه شركات التأمين تحاسب اللي يداوم شفتات (ورديات)
مثل المنتظم صباحياً 25 سنه أو ستين سنه الله يحرق أمه نظام يضحك
علينا بمص 18 % من رواتبنا شهرياً بلا رقيب أو حسيب....
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
ياكسرة الخاطر
عجوز ماتبقى منها غير نصف جسدها العلوي ووحده من عيونها معصوبه
على كبري نمار في عز القايله في يدها فاتورة كهرباء وفي الثانيه فاتورة
ماء والسيارات رايحه جايه قدامها مشغله المكيفات وهي تحت الشمس
تنتظر الشمس تميل للغروب عشان يوقيها ظل الجدار...
وقفت وسلمت عليها وقلت يممممه ليه جالسه هنا وين عيالك؟؟؟ قالت أنا
أرمله وعقيم ماجاني عيال ولاعندي غير الله سبحانه وتعالى ثم أهل الخير
ومعاش الشوووونه أدفعه إيجار البيت والفواتير يجيب الله حدا هالأجاويد
وهم رايحين لهالعزايم اليوم فيوقف ويعاوني من يتصدق علي بقاسمة الله
قلت طيب تبين مني شئ قلت الله يحجا عليك ويخليك لعييلك...
يالله وين الدراااااااااااااااااااااااهم والله فلاهي حسوفه فيها ماقالت لي عطني
سبحان الله عرفت أنه لو عندي عطيتها فلذلك أكتفت بالدعاء لي...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
ظاهره عجيبه
البنت ذيك الأيام كانت تتغطى من عمرها سبع سنوات واليوم الظاهر
مايغطونها إلا ليلة عرسها ماأدري وش الحكمه لاومسوين عليها عروض
بلبس التنوره القصيره والبرمودات ثم إعلانات بنتنا أنخطفتّّّّّّّّّ.....
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
حز في خاطري...
اليوم بعد الظهر وأنا جالس أغير عشان باطلع للدوام وأسمع إلا صرخات
الغنيمه وأهازيج المنتصريين وأطلع من غير وعيي هاه وش فيه ياعيالي
قالوا تبسي عليه مفطح جابه المطبخ لنا وقال نمر قلت له وشهو ذا قال
هديه لكم يقول فقلت له ببلااااااااااااااااااش قال أيه ببلاااااااااااااااش (جنقل
باند كرو ملاهي بلاش وتطلع عليك مديونية متراكمه أعظم من مديونيات
فيزا على المواطنين) قلت أكييييييييييييييييييييييييييد قال آفا يباااااااااااه
يعني معودك أكذب عليك قلت ياوليدي هذا تعجب أستنكاري وليس
بتكذيب(لعبت في مخي اللغة عقدوني في الساحات) المهم قلت نعطيهم ربع
ساعة قالت غاليه يمكن أم فهد (عمدة الحاره) مروحته قال البرهي
لااااااااااااا السياره مكتوب عليها طخطخ اللقافة (ماأدري وش يدرسونهم في
هالروضه) المهم وأدق عليه لأنه يمكن تلخبط خصوصاً أني طالب عشاء أم
نمر منه يوم عندها حريم ويرد علي السوداني باللاهي يابونيمر تطلعوه
لجارك قلت لييوووووه أزمممممع شغال عد أبووووووووووك أنااااااااااا قال
خلاص ويرسل لي السواق ويأخذه ويطلعه لجيراني شوي إلا جوال غريب
يدق علي (ويمغصني بطني الله يستر عسى ماهوب(اللهم سكنهم
مساكنهم)) إلا واحد يقول طااااااااااااااااالبك يابونمررررررررر قلت سم وش
طالبني على الأقل سلم (قال ليه ورديه أو مناوبه) من أنت ووش تبي؟؟؟؟
قال أنا جارك اللي فوق قلت أبشرك تغديت أنا وعيالي والحين بأروح للدوام
وترى ذبيحتك لم يمسسها أحد وأحنا اللي دقينا على المطعم يجي يأخذها لك
قال الله يجزاك خير...
جاري هذا أجودي لكن وبصراحه عمري ماتكلمت معه أو تكلم معي إلا سلام
وعليكم السلام لاأقل ولاأكثر وبصدق حز في نفسي أنه ماعزم إلا يوم شفت
الذبيحه ياأخوااااان في بنت غاليه وحم لأن جيراننا كانوا يشوووون وأنا
مداوم وأجي وألقى أم نمر سعابيلها واصله الشارع تبي تأكل الله يرحم أيام
زمان أيام أمميتي الله يرحمها وأبيي وخيي وجميع المسلمين عندنا درزن
قدور أبو لقمتين من نصلح شئ إلا ونذوقه الجيران والجيران كذلك وكل
وحده واسمه قدورها بميسم بعير...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
تمتمات
الهلل يغني فقراااااااء معدمين فياناااااااااااااااااااس حرااااااام عليكم تخلونها
للمولات والصيدليات...
وبعدين ترى اللي يراجع فاتورته ماهو غبي الغبي اللي يعفطها ويرميها
ويمشي...
وبعدين نفسي أعرف الناس في حارتنا ليه تشتري عودان أسنان يعني هو
من رخص اللحم وإلا ينظفون به أظافرهم؟؟؟
وياعجايب ليتكم تشوفون في هالمولات وش يصير بصراحه ذكروني بأول
مادخلت الرياض أتلفت وأقلب رأسي كني ضايع...
هايبر فيه بضائع بالملايين وعرضه أطول من كبري الخليج وتاليتها مافيه
الأ كاشير واحد والسرى واصل بلوتو...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
برميل المتقاعدين
التقاعد هبّل بالناس برميل الزباله (وأنتم بكرامه) تحركه أيدي خفيه في
شارعنا كل يوم عند بيت ولين قعدت يومين ألقاه بين أبوممدوح وبيت أبو
خالد وخفت لا يتطاقون عليه فجبته عند بيتي العجيب جاوا وطقوا على بابي
كل شيبان الحاره يقولون يعني نخلي خداماتنا توصل لبيتك قلت طيب وش
الحل أنا بعدته عنكم عشان المشاكل وعادي بأتحمل ريحته وغثاه قالوا
لااااااااااا نعقد أجتماع قلت علموني بالنتايج وأنا حاضر ياخي البنك العبري
وهالتقاعد لعبت في الناس وهبّلتهم ماعاد بقى شئ يتطاقون عليه...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
وش تعود؟
إنتشرت ظاهرة جداً غريبة ومزعجه في نفس الوقت وتحرق الكبد حيث
يسولف لي أبني البرهي خمس سنوات يقول تقول البنيه بنت آل فلاني في
المدرسه ليه تمشي مع ذاك الولد يقولون أنه قليل أصل فجاني البرهي
يسألني يعني أيش قليل أصل فسألته وش هالحكي ومن علمك أياه؟؟؟
قال شما بنت آل فلاني قسمت البزران وقالت أنتم عيال عبيد وأحنا عيال
حمايل وأصلنا وفصلنا وأنت ماعندكم أصل...
وجاني أبو جاسم يقول أخطاء المدرس في أسمي وقلت ياأستاذ أنا أسمي
أبو جاسم شيخ النظر من قبيلة المتشردين فقال والله ونعم يعني بن
أخخخخخخخخخي!!!!
فجاني الولد مستغرب ليه يقول لي المدرس بن أخخخخخخخخخي وأيش
معناها قلت يعني بن عمك قال يخسااااااا قلت ليه؟؟؟ قال يدخن ولايصلي
معنا الظهر وشيخ الحلقه يقول مافيه أبن عمك وإلا خالك كلنا إخوان في
الله والشرط بيننا الإسلام ....
وقد لاحظت آسفاً أننا لانعلم أولادنا إلا الكلام الفاضي الذي سيحاسبنا الله
عليه فللأسف في طيات هذا المنتدى وغيره يعتقد أن الصالحات فقط من
بنات الحمايل والمتبرجات هن فقط من بنات اللحوج والعبيد والزيود
والتكارنه وغيرها وهذه عنصرية كانت تمارس في الجاهلية واتى الاسلام
ونهى عنها واصبحنا ندرك انه لافرق بين عربي واعجمي الا بالتقوى
اقتداء برسول الله صلى الله عليه وسلم ولكن يبقى هناك من لم يستوعب
هذا النهج الاسلامي القويم وتراه يفخر بجاهه ويتعدى حدوده مع الاخرين
مع العلم ان ذلك الاخر ربما يكون خيرا منه وهاهو مؤذن الجنه سيدي
بلال بن رباح رضي الله عنه وأرضاه أسوداً حبشي عزه الله بالتقوى ومن
أهم أسبابأنتشار الإسلام وهو عدم التفريق بين أتباعه فالناس كلهم لآدم
وآدم من تراب…
قال صلى الله عليه وسلم : " لا فرق بين عربي وأعجمي إلا بالتقوى "
وقال صلى الله عليه وسلم : " لا فرق بين أبيض وأسود إلا بالتقوى " .
فلم يفرق رسول الإسلام بين الناس لمجرد لونهم ولمجرد مكانتهم في
المجتمع .
فالوزير والأمير والخفير سواء أمام الله والفارق الجوهري الوحيد هو
التقوى ....
إن التقوى هي اللباس الذي يميز بين عباد الله ومقياس أفضليتهم عند الله
أما خلاف ذلك فلاااااااااااااااااااااااااا
قال تعالى
﴿ إِنَّ أَكْرَمَكُمْ عِنْدَ اللَّهِ أَتْقَاكُمْ ﴾
أنا أعلم أن معظم الناس يتحرجون من المداخله في هذه المواضيع
فأطمئنكم فأنا عبدُ أسود لاأصل ولافصل لي ولكني مسلم أخاف الله وأرجو
لقائه وأنا على دينه ومقراً بنبيه صلى الله عليه وسلم…
فأنا بإنتظار آراء الأخوه وأريد أن لانتمايز في هذا الدين فوالله أنه من
المخجل أن نكون في جزيرة العرب ورثة الإسلام وأول من يسئ له بالقبليه
الجاهليه وإثارة النعرات وبدوها مزايين وشعر وأنتهت بإثارة مشكله بين
قبيلتين كانت قبل 300 سنه...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
العنصرية
المحزن وسبب طرحي هذا الموضوع (وش تعود؟) سألني أمريكي مسلم
(هذولي إذا أسلموا يتقيدون صح بالتعاليم الإسلاميه ولايخلون لاسنه
لولافرض وليتك تشوفهم عندنا في العمل وشلون في المسجد هم وعيالهم
الفروض الخمسه) عن العنصريه في السعوديه وليه بلاد الحرمين وورثت
هذا الدين متمسكه بما منعه إبراهام لينكولن (سنة 1809 - مولد إبراهام
لينكولن رئيس الولايات المتحدة الأسبق) على النصارى حينما حرر السود
في أمريكا سنة 1865 محكاة لما حدث في إنجلترا حتى سنة 1840 ، وفي
فرنسا حتى سنة 1848 ، وفي هولندا إلى سنة 1863 وللأسف مازال
قائماً في بلاد الإسلام فلم أجد ماأجيبه ولما صارت المواقف مع أبنائي
أحببت أن أرى آراء أساتذه أفاضل في هذه الدرة...
والسلام عليكم ورحمة الله وبركاته،،،
بسم الله الرحمن الرحيم
السلام عليكم ورحمة الله وبركاته،،،
من كنا صغار في الحاره...
كان في الحاره واحد ماشاء الله عليه في ثالث ثانوي لكن ماشاء الله
تبارك الله كف يده كبر خبزة التميس (أسمه خبز حساوي من أول)
وكان حجم جسمه سته في أربعه أكبر من بيت عمدة الحاره وكانت
عيارته (شيكيتا) (الله يمسيه بالخير لو ذكر هالموقف فهو الآن
دكتور أستشاري في جراحة القلب) وبماأني بثيررررررررررر
وراعي مشاكل فكان شيكتا أعز أصدقاي لأن عند أخوي مصنع
حلويات والناس تحب الصديق اللي يعطي والوالده الله يرحمها جابت
للحاره النمل من كثر ماتروح لهم حلويات...
المهم جالس مره أنا وشيكتا في أحدى العصاري نغسل السياره
(هايلكس نص هنقلين) قام مع شدة المسح كسر المرايه قلت له
ياأخي أنت ثور ويديك كبار ومادريت إلا ويلقطني بحلقي ويرفعني
عليه (لين غديت كني ميداليه في يديه) وقال أيششششششششش
قلت أمزح وراك صدقت المرايه والسياره تفدااااااااك أصلاً المرايه
بخمسه ريال...
قال شف ياشويخ ونزلني (لين ثوبي كنه توه مطلع من فم بقره
عالجته (ماضغته) لين قالت بس) تراني أحترمك بس إلا تطول
لسانك علي قلت أفااااااااااا يعني ماأمزح...
والرضاوه ذيك الأيام سهله تأخذ الواحد للتسالي وأثنين هامبورجر
زياده كتشب وجبن وبطاطس مع عصير تانج برتقال وأحنا نأكل قلت
له (يعني رجعت المويه لمجاريه) وش أطرف موقف واجهك من
المشاكل شكوتا (ينبسط لادلعته) ضحك (أشوا رضى) قال مره لقيت
دخان ووزني الشيطان أجرب ولالقيت مكان غير الملحق في بيتنا
أجربه وتخبر بيوت المسلح صغيره وتكشف الريحه فقلت بماأن
الوالد ينومنا من بعد العشا (كان للأباء هيبه أعظم من هيبة أمريكا
في الشرق الأوسط وكان تشيكتا إذا شافه أبوه في الشارع جاه
إسهال) فقلت بأجرب الدخان لين ناموا المهم ومن نامو وأولع
الزقاره وتوني ماخذ موشين (يعني شفطتين) إلا والباب ينفتح
بقوووة (مداهمه) إلا هذا أبوي ووراه أمي بعصاته ويليخني تلييخ
(أي ضرباً مبرحاً) ماخلا فيني مغز أبره (كنايه عن شمولية الضرب
لجميع أنحاء الجسم) المهم وأمي تدعي علي يالفاجر ياللي فيك
مافيك (كان المنكر صعب ذيك الأيام قبل لايصير واحد منا وفينا)
المهم ويطردني للشارع وأطلع لين الدنيا مسوده في وجهي وبيتهم
قريب من شارع الكباري (طريق الملك فهد حالياً) وأركب الهونداي
(كانت توها طالعه ذيك الأيام يعطونك أياها لاشريت غساله(أمزح))
وعلى فكره كان يتصفط جوا السياره مايركبها كبير الله يهديه...
يقول وأطلع على طريق الكباري إلا راعي كابرس معه حرمته
يضرب بواري الظاهر أني حديته وألتفت له إلا وهو يسب وأستحيت
لما شفت معه مرأه يقول وأعتذر له وأطنشه (كان للمرأه أحترام في
مجتمعنا لأنها متستره)...
لين وقف جنبي على الأشاره ويقوم ويتفل (حاشاكم على قزازة
الراكب) قلت لاحول ولاقوة إلا بالله وأعدي الإشاره ويلحقني
ويحدني ويوقفني وينزل بالعقال علي ومن أقبل لين وجهه يقول
هيت لك أصفقني تكفا يقول وأصفقه ذاك الكف لينه طاير عند باب
حرمته (خبزه بخبزة التميس(أسمه خبز حساوي من أول))
ودردببببب المهم وتنزل زوجته بسرعه وتصفق رأسه بالباب (كملت
الناقص) تصايح وتدعي الله لايوفقك ذبحت رجلي ويتمت بزراني
يقول وأركب السياره وأروح بسرعه لأن الشارع كان فاضي ومن
بعيد مطفي النور وأشوفها تسوي له أسعفات أوليه لين ركب
السياره ومشوا وأقعد أضحك...
وهذي مشكله كبيره في مجتمعنا الواحد لاصار معه حرمته ماأدري
ليه يستقوي ويدور المشاكل....
ولي موقف مع أم نمر صار وبأذكره فيما بعد...
وبحب في الله نلتقي
والسلام عليكم ورحمة الله وبركاته،،،