محمد بن سعد
July 25th, 2010, 00:26
نظام الصيف
قالوا نظامك ويش في ايام المصيـف = قلـت احمـد الله والامـور ميّسـره
لاجاء الضحى واونست للذاري وهيف = وعمّد شعاع الشمس مثـل المسطـره
سموم نجـد اللـي نهـاره يالطيـف = حره يخلـي الجلـد مثـل الصنفـره
سويت للعزبه على الددسن صفيـف = وشلت الفراش اللي شريتـه بعشـره
ومريت زاد وقلت للهندي :وَصِيـف: = جب قالبيـن الثلـج عجْـل وكَسّـره
ونصيت لي واد ٍ عن الديره مَهِيـف = فيـه الطلـوح ام الظـلال منَشّـرَه
وقيّلت لي في طلحة ٍ تجلي الحسيـف = لو كان مانصـرى سمايـم وغبـره
اخير لي من مركزيا ً لـه قضيـف = بـراده انشـف دم ساقـي وإعْثـره
في ظلها والله ما اغبط اهـل جنيـف = واللي مصيفه كـل عـام بـدنبـره
مانيب مكلـوف ٍ بخلـق الله كليـف = العمـر ساعـه والليالـي مـدبـره
لاجالهم باريس مـع كـازا مصيـف = خل الشقا لاهلـه وصيّـف بشجـره
:084:
قالوا نظامك ويش في ايام المصيـف = قلـت احمـد الله والامـور ميّسـره
لاجاء الضحى واونست للذاري وهيف = وعمّد شعاع الشمس مثـل المسطـره
سموم نجـد اللـي نهـاره يالطيـف = حره يخلـي الجلـد مثـل الصنفـره
سويت للعزبه على الددسن صفيـف = وشلت الفراش اللي شريتـه بعشـره
ومريت زاد وقلت للهندي :وَصِيـف: = جب قالبيـن الثلـج عجْـل وكَسّـره
ونصيت لي واد ٍ عن الديره مَهِيـف = فيـه الطلـوح ام الظـلال منَشّـرَه
وقيّلت لي في طلحة ٍ تجلي الحسيـف = لو كان مانصـرى سمايـم وغبـره
اخير لي من مركزيا ً لـه قضيـف = بـراده انشـف دم ساقـي وإعْثـره
في ظلها والله ما اغبط اهـل جنيـف = واللي مصيفه كـل عـام بـدنبـره
مانيب مكلـوف ٍ بخلـق الله كليـف = العمـر ساعـه والليالـي مـدبـره
لاجالهم باريس مـع كـازا مصيـف = خل الشقا لاهلـه وصيّـف بشجـره
:084: