ماجد الرشدان - ما لعب فيني وخلاني عـدم ألا قرضٍ رحت للبنـك وخذيتـه

[محمد بن سعد]

الشاعر : ماجد الرشــــدان


ما لعـب فينـي وخلانـي عـدم = ألا قرضٍ رحت للبنـك وخذيتـه
يوم جيت موظفه لي قـال سـم = جابلي عقـده ولا حتـى قريتـه
ما قريتـه بـس سليـت القلـم = وانخرب بيتي عسى الله يهد بيته
غرِني من يوم قال القـرض تـم = في حسابك روح تلقـاه ولقيتـه
كني أبكم .. لا بعد كنـي أصـم = كيف جيت البنك قولوا كيف جيته
قمت أخطط وأرسم أحلامي رسـم = وأبني الآمال وأرفـع مـا بنيتـه
قلت أبشريلي همـر وألا بـي أم = وكل حلمٍ مر في ليلـي سريتـه
وقمت أشاور كل منهـو يفتهـم = لين جيت لصاحبٍ صدفـه لقيتـه
قال أبعرف كم تملـك قـول كـم = قلت واجد لو تبا السيف إشتريته
قال روح ألحق زمانـك وأغتنـم = روح سوق البورصه وفعلاً نصيته
وصرت منهم شامل العرف وملـم = وكل حرفٍ ينكتب عنهـا قريتـه
مقابل الشاشه مثل قطعـة صنـم = بس أسولف بالسهم كيته وكيتـه
متابعٍ لي حشـد نـاسٍ تزدحـم = لين معهم مرقب أحلامـي رقيتـه
وفي ضحى ما فيه وجهِ مبتسـم = أنهار صرحٍ بانهياره مـا هقيتـه
وفقت من حلم الأمانـي منصـدم = من غبى القدوه هذاك اللي إقتديته
حسبي الله كيف عيشنـي بوهـم = لين راس المال بالأسهم رميتـه
لو شريت نيـاق وشويـة بهـم = وكـل ديـانٍ يطالبنـي وفيـتـه
أشرف من مليون صندوق وسهم = ولا لقيت أللي من الأسهم لقيتـه

http://www.mutirr.com/majed/templates/new-brown/images/header_08.jpg