ابن مشعان - رياجيل

[محمد بن سعد]

خلف بن مشعان


يا كثرهم لا قلت عرفنا وجيه = ويا قلهم لا قلت قدر ومعزه
رجلٍ تعزه بعد ما تلتقى فيه = ورجلٍ قبل ما تلتقى به تعزه
ورجلٍ ترزه بالمجالس مباديه = ورجلٍ فلوسه بالمجالس ترزه
ورجلٍ يموت ولا يجيبون طاريه = ورجل يجي طاريه في كل حزه
ورجلٍ يهزه بعض موقف ويشقيه = ورجلٍ مهوب أيّات موقف يهزه
ورجلٍ ضعيف ويستفزه معاديه = ورجلٍ كلام اعداه مايستفزه
ورجلٍ تلزه يعترف لك بخافيه = ورجلٍ على خافيه محدٍ يلزه
ورجلٍ يوزونه ويزعل بنيخيه = ورجلٍ يزعّل من يحاول يوزه
ورجلٍ تكزه لا زم انك توصيه = ورجلٍ بليّا ما توصيه كزه
من لا فرش للمرجله ما تغطيه = ومن لا يخز الناس محدٍ يخزه
ان كنت تعرفني فهي عرفة وجيه = مو شرط لك بالقلب قدر ومعزه

[محمد بن سعد]

[you]
مع تحياتي

أجزى الجفن وأنحى النجم والموق شايمة
أدير الأفكار والأنظار في ماضي مضى
في حالات الدنيا بينات علايمة

أدرّج محملي في بحر الأفكار غايتي
بيوت شعر مبهمات علايمة

هذه أجزاء من قصيدة
من عرائس الشعر

أرجوا ممن يعرفها وضعها في المنتدى

قصيدة في الحكمة والموعضة والنصح

[محمد بن سعد]

آسفة !! أنا في جيتي لك تسرعت = ظنيت ألاقي فيك شيٍ فقدته
كنت أحسبك مجروح مثلي تولعت = جربت فرقى شخص قلبك وهبته
كنت احسبك من مر جرحك تجرعت = حبيت فيك احساس طفلٍ لمحته
لوقلت آآآه بوسط روحي توجعت ولو = شفت دمعاتك شعوري سكبته
ولو تطلب أعيوني ابد ما تمنعت = وأعطيك قلبي لو بعد ما طلبته
وصلت بك على مكان وتربعت = وفي قلب غيري يا الغضي ما وصلته
واصبر على صدك وأشوفك تدلعت = وأعطيك ود وما أظنك حسبته
أذهلتني بطباعك اللي تطبعت = حتى قصيدي فيك ابد ما فهمته
لو كان غاياتك حروفي فانا بعت = وافرح بجرح الشاعر إلي جرحته
وأرجوك من صدك تراني تشبعت = خلك مع اللي عاجبك أو عجبته
يكفي قهر في جيتي لك تواضعت = تركت غيرك لجل عينك وبعته
يا ليتني عن حب مثلك،، ترفعت = يا ليت قلبي قبل أعرفك دفنته
لكن أبي ابعد دام إني بك توهقت = الله يرحم حبنا اللي ذبحته
أنا شريت الود وهالحين أنا بعت = وأنا عطيتك قلبي اللي قهرته
في يوم جيتك أطلبك ود وأقنعت = نفسي بانك شخص عادي عرفته
كمّل حياتك مثل ما أنا توقعت = تبقى أسير الماضي إلي فرضته
ولا يحزنك إني جبان وتراجعت = حولك بدالي ألف شخصٍ عجبته
أما أنا لا يمكن اخضع ولا طعت = يحرم علي أعطيك قلبٍ خذلته
أبريّحك من شوفتي يوم قاطعت = أسلوبك اللي بة تجامل كرهته
غلطان يا المقفي أنا ما تتبعت = غيري يتابع خطوتي ما تبعته
ما ينحني راسي لو إني تقطعت = وما هو بنا من لا رميتة لقطته
وان كان غرك حكي عذالي وطعت = الله يعلم كيف قلبي سكنته
اللي ملا قلبك علي وتسمعت = خله يعوض شخص مثلي خسرته
أنا بما فيه الكفاية تولعت = واللي بقى من قلب فيني حرقته
وان شفتني صدفة بعينك تطلعت = ذكرتني بإنسان غالي فقدته
بأول لقا سلمته إحساسي وضعت = غلطت حياتي يوم قلبي سلبته
واستسمحك فالبعد كاني تراجعت = ما عاد بلقى فيك شي فقدته
طبعك مثل غيرك وطبعي كما كنت = أحب شخص ولا تركته
***

[ابو محمد]

د/ محمد بن سعد الحتان

السلام عليكم ورحمة الله وبركاته

كلمات جزله يا دكتور محمد

وقصائد قوية طال عمرك

صح لسانك ولسان قايلها

ونآمل ممن يعرف من قال القصيدة ان يبلغنا مع الشكر


تقبل مروري