مساجله شعريه بين اختين

[المنتقد]

بسم الله الرحمن الرحيم
السلام عليكم ورحمة الله وبركاته
هذه المساجلة الشعرية بين الشاعرة بناء الى تحب الرجال الى يقال ونعم ويكرم الضيف ويقضى لزوم الى ينصاه... وأختها مويضى الى تبى رجال دوبها بس لاينفع ولايشفع رجال حرمته فقط راحت اختها بناء تمدح زوجها وتنتقص زوج اختها مويضي تقول بنّا:-

شوقي غلب شوقك على هبة الريح=ومحصلٍ فخر الكـرم والشجاعـه
ركاب شوقي كل يـومٍ مشاويـح=وإذا لفا صكـوا عليـه الجماعـه
يالبيض شومن للرجال المفاليـح=لا تقربن راعي الردى والدناعـه
فأجابتها أختها مويضي بقولها:

ما هو بخافيني رجـال الشجاعـه=ودي بهم بـس المناعيـر صلفيـن
اريـد منـدسٍ بوسـط الجماعـه=يرعى غنمهم والبهـم والبعاريـن
وإذا نزرتـه راح قلبـه رعاعـه=يقول يا هافي الحشا ويـش تبغيـن
وان قلت له هات الحطب قال طاعه=وعجلٍ يجي بالقدر هو والمواعيـن
لو اضربـه مشتـدةٍ فـي كراعـه=ما هو بشاكيني ولا الناس داريـن
هذا هو فرق الرجال رجل رجل... ورجل ذكر .؟؟؟ اسئل الله السلامه
ارجو ان تحوز على اعجابكم والسلام عليكم ورحمة الله وبركاته