سر ياقلم واكتب كلامي بعد ماطال السكوت

[حفيد الصحابه]

سر ياقلم واكتب كلامي بعد ماطال السكوت
كلمة وفى وابغاك ياراعي الوفى تفطن لها ..

الناس في الدنيا تعيش !! وآخر العمر بتموت
كالشجره الي مرها العبد وجلس في ظلها ..

الكل يفنى ماعلى الدنيا مفر ولا ثبوت
بعض المناوي يتعب الرجال ما يا صل لها ..

اهون بيوت الخلق عند الله بيت العنكبوت
وأعظم بيوت الله ليا قدر هدمها كلها ..

تب قبل ماتطوى السنين وموعد التوبه يفوت
صُم .. زك .. حج .. وجاهد وكل الفرايض صلها ..

اذكر نهار يصير "قبرك" بيت من ضمن البيوت
واهل " القبور " الله يعلم دوم وش يحصل لها ..

ينزل عليك من السما مرسول لا وصلك تموت
والروح من بين الضلوع الضيقات يتلها ..

في ساعتن والصدر مابين التضايق والكبوت
كل العلوم الي ترى في القلب فمك يهلها ..

يالله تجعل قوتنا يوم القيامه خير قوت
يامن تعز بعزتك قوم(ن) وقوم تذلها ..

هذي نصيحه قلتها مير السموحه فالبيوت
اخذ النصيحه وانتفع وأما القصيده خلها ..

نصيحت(ن) برفع بها صوتي وازيد الصوت صوت
أقولها والي عقد روس الحبال يحلها ..



هـــــذه القصيده نقلتها لكم لأنها وربي أعجبتني قصيده معبره وأتمنى تعجبكم .

[ابوعبدالمجيد]

تب قبل ماتطوى السنين وموعد التوبه يفوت
صُم .. زك .. حج .. وجاهد وكل الفرايض صلها


اي والله التوبه اخوي حفيد الصحابه

نسأل الله ان يتوب علينا جميعا

قصيدة جميله ومعبرة


تقديري لك

[المنتقد]

بسم الله الرحمن الرحيم
السلام عليكم ورحمة الله وبركاته
هلابك اخوى الغالى حفيد الصحابه
قصيده معبره وطيبه بس ياالغلى ماذكرت اسم الشاعر
وبتعبك شوى ودقق فى هذا البيت وعطنا رايك فيه:-

اهون بيوت الخلق عند الله بيت العنكبوت =واعظم بيوت الله ليا قدر هدمها كلها ...
والسلام عليكم ورحمة الله وبركاته