خرابيط موزونة وشخابيط مقروئه [الأرشيف] - -:: منتديات درة المجالس العربية السعودية ::-

مشاهدة النسخة كاملة : خرابيط موزونة وشخابيط مقروئه

نجم سهيل

August 15th, 2008, 14:29

السلام عليكم
أول الخرابيط واحد مجنون صقعي (( صجي )) حسب لهجة أهل الكويت يسأل أهل النخيل والمهتمين به وخاصة أهل القصيم متى ينزل تمر الصقعي القصيمي إلى الأسواق ذي المواصفات التالية طول الثمرة الواحدة لايقل عن 5سم بحجم الخيار الأقل من متوسط واللي مايعرفون تمرة الصقعي هي تلك الثمرة الكبيرة الضخمة الأنيقة من بيبن كل التمور من حيث الحجم وتتميز برأسها الأشقر الجميل الذي الذي تضطرب لمرآه الأنفاس ويسيل عند ملمس رأسه اللعاب :h70: فمابالكم إذا داعب قوامه الشفاه وتمدد الشهد الحلوعليها يالجمال الطعم المفرط في حلاه ض5 من جوف تمرة الصقعي بالله عليكم يالنشاما دلوني والله ان جاني خبر انه نزل الأسوا ق فلن أتردد لحظة واحدة في السفر برا إلى القصيم من أجل الصقعي

نجم سهيل

August 16th, 2008, 13:06

طلبنا تمرا ولم نطلب جمرا
ولازال البحث عن الصقعي جاريا

محمد بن سعد

August 18th, 2008, 21:00

أبشر بالصقعي ،، يابو سعود
ولو أن ما عندنا في المزرعة إلا عشر نخلات صقعي
الباقي أكثره سكري وخلاص وبرحي

:a11: وعذر البخيل ،، رمضان :54:

على طاري البخيل ،، عندي نكته عن بخيل فاز أبنه عليه :

:sm238: :54:
زار بخبلُ بخيلاً عزيزا عليه ،،
أصبح ضيفاً على صديق له من وجهاء البخلاء
وما أن وصل الضيف حتى نادى البخيل ابنه ،، وقال له:

يا ولد عندنا ضيف عزيز على قلبي فاذهب واشترى لنا
نصف كيلو لحم ،، اشتري من أحسن اللحوم ،،

ذهب الولد ،، وبعد مدة عاد ،، ولم يشترى شيئاً !!

سأله أبوه: أين اللحم؟

قال الولد: ذهبت إلى الجزار وقلت له:
أعطنا أحسن ما عندك من لحم
ولكن الجزار قال لي: سأعطيك لحماً كأنه الزبد ،، !! !!

فقلت لنفسي إذا كان الأمر كذلك ،،
فلماذا لا أشتري الزبد بدل اللحم ،،

فذهبت إلى البقال وقلت له:
أعطنا أحسن ما عندك من الزبد.
فقال: أعطيك زبداً كأنه الدبس ،، !!

فقلت: إذا كان الأمر كذلك فالأفضل أن أشتري الدبس ،،
فذهبت إلى بائع الدبس وقلت له:
أعطنا أحسن ما عندك من الدبس ،،
فقال الرجل: أعطيك دبساً كأنه الماء الصافي ،، !!

فقلت لنفسي: إذا كان الأمر كذلك ،،
فعندنا ماء صافٍ في البيت ،،
وهكذا عدت دون أن أشتري شيئاً يا والدي العزيز

قال الأب: يالك من شاطر ماهر داهية ،، بارك الله فيك يا بني ،،
ولكن فاتك نقطة واحدة ،، لقد اهلكت حذاءك مشيا بين الدكاكين !!
فقال الابن : لا يا أبي.. لقد لبست حذاء الضيف !!

سلمان السلمي

August 23rd, 2008, 02:00

السلام عليكم .....
المشهور في ديار بني سليم زراعة نوعين
من التمور بما يسمى : اللبان -- والمتلبن
يأتوا اليها تجار الجنوب ليشروا منها التمر ليشحن
الى المصانع
اما في هذه السنة فقد حل بديارنا جفاف غير
معهود من قبل جفت الآبار وتم تغطيت المكائن
فأصبح النخل يتساقط ويجف واحدة تلو الاخرى
فأصبح يشاد بمن لديه بئر تسقي قليل من النخل
مع بضع من الوايتات الصغيرة الحجم لتباع
الى من ينتظر بفارغ الصبر بقدر 150ريال

ولو يزرع في ديارنا ابشر يابو سعود بنخل ماهو بتمر بس

الى د . محمد
كرتون ولو جبر خاطر --- والعنوان ارسله لك على الخاص

نجم سهيل

August 23rd, 2008, 11:40

أبشر بالصقعي ،، يابو سعود
ولو أن ما عندنا في المزرعة إلا عشر نخلات صقعي
الباقي أكثره سكري وخلاص وبرحي

:a11 !!

مشكور يابو سعد
التريلة موجودة ورهن الاشاره منك :sm277:
والدينا الثلاجة موجودة بعد بس عطني الاشاره :w6w_w6w200505080648

وان كان لاذي ولاذيك جمس الحوض القديم المشرع
من فوق الحنايا مرفع فوق الجحوش ننزله واجيك مجلع فيه :w6w_w6w_20050501183

وان كان شفت اني طماع فالدباب ابو اربع فيه البركه
وان كان عندك راي ثاني ارسلتلك عربانه أم كفر :120:
بس الله يستر لاتروح العربانة في خدمة المزرعه
وساعتها ماشفنا بلح اليمن ولا عنب الشام :135:

نجم سهيل

August 23rd, 2008, 11:53

[

ابشر يابو سعود بنخل ماهو بتمر بس

Color][/size][/font][/b][/center]

عريان طاح على متويزر :q1:

نخل ؟؟؟
وش اسوي بالنخل ؟؟
وش اسوي به ؟؟
والله ينفع تسويه مراجيح :006:

سلمان السلمي

August 24th, 2008, 01:05

عريان طاح على متويزر :q1:

نخل ؟؟؟
وش اسوي بالنخل ؟؟
وش اسوي به ؟؟
والله ينفع تسويه مراجيح :006:

المراجيح يابو سعود اذا شفت
قنوان الصقعي يتطوطح مستوي حلاه
وكل مازانت بلحه تقطفها ماتستني الثانيات
ومغير نشوفك طالع نازل وطالع نازل
\
وبعد اذا شفت العيال متضللين بفيها
وانت مار من جنبهم غير تقلهم : هاه لا احد
يقرب من يم الصقعيه انتبهوا تراني حذرتكم
هذا غير الشبك ملفوف حولها كاميرا مراقبة
ماهو مني يابو سعود من وصف حبك لتمر الصقعي

ان شاء الله نلحق نفطر على الصقعي عندك يابو سعود

نجم سهيل

August 25th, 2008, 23:22

عندي مشروع بس انه بالدس
والطمع زين بعض الاحيان عندي في البيت ارتداد أربعة أمتار من ورى مجلس النساء ومبتلش بمقلط النسوان وطلعت في راسي الا أسويه في مساحة الإرتداد
ورحت اشتريت 16 كمر سماكة 12سم وطول 12متر وشلقة لوازم ثانيه
بس ان الكمرات يبيلها قص باللحام وجبت واحد باكستاني وافترى في بالسعر وكان باقي عندي بعض الأشياء يبي لها لحام وقطع

رحت للسوق واشتريت مكينة لحام ومن تجربة نكدة في السابق يوم كانوا العيال صغار سويت نفسي معلم لحام وحست الدنيا واشتغل وانا أبصبص بعيوني بدون نظارات واقيه
وفي الليل اختبصت الدنيا في عيوني وشبت فيها نار الحرارة وهات يادموع وماصرت حتى اشوف ام سعود وهي واقفة قدامي

وشغلت السيارة وأول ماطلعت في السكة صرت اشوف اصطبات السيارات كنها شريط معترض في السكة وبلشت في حالي آخر شي قلت لام سعود قدّيني وقولي يسار يمين وبعد بواري السيراات الزعلانة والسب مثل يامجنون ياسكران شفتلي انوار تومي وعرفت انها سيارة نجدة واقفة تحت الكبري

وقفت وراه وصرت ادق بوري وجاني ابن الحلال وقلتله اللي صاير قال طيب وش تبيني اسوي فلتله أما توقفلي تكسي والا خل خويك يوصلني مستشفى العيون

ماقصروا خلينا ام سعود ورى وساقبي واحدن منهم ألين المستشفى وبعد الكشف وتنقيط القطرات قالوا لازم تقعد اعيونك تحت الشاش 24 ساعه خليت السيارة عندهم واخذت تكسي انا ومريتي وعودنا للبيت

مع اني أتذكر هالسالفة لكني ماتبت ولبست النظارات السودا وتعالوا شوفوا المعلم ابوسعود وهو يلحم وكل شوي يعلق صيخ اللحام في الحديد وعقب عزر وبهذلة أنتهت أول مهام اللحام في وصل قطعتين حديد حوالي ساعتين واللحام معوج وعرضه حوالي 4سانتي وبعضه فوق بعض تقول ظهر خنفس مخفش

بس انه مشى الحال وخلال اربعة ايام تعلمت الصنعة بنسبة 65% وسلمت اعيوني بس ان ولدي محمد كان يبصبص من وراي وانا مدري واكل العلقه الين صارت عويناته مثل موخر الدجاجة المتعسره ببيضتها

اكمل بعدين ان شا الله

الجنرال

August 25th, 2008, 23:37

أبو سعود ..... حياك الله. :h64:

على فكرة فيه مهرجان التمر في القصيم وبالتحديد في بريدة
كل أنواع التمر ... على كيف كيفك :a10:

طب وتنق ..:s1:.. وأهل الخليج الآن هناك يحملون من أنواع التمور ض5

إذا تبي نوصي لك على كم كرتون (إن كان فيه صقعي) :sm215:

ولا القطها مع البر عن طريق المدينة المنورة :h56:

وش رايك في الحل ............ جبتها ؟! :53:

نجم سهيل

August 26th, 2008, 01:00

( * غريب الدار * )

August 26th, 2008, 21:50

كانت الخطة
وصل سعر الصقعي في جدة 460ريال عبوة كرتون الموز

معقولة ..ليه هو ذهب .!! يعني كم سعر الحبة الواحدة

http://www.egycafe.net/vb/images/icons/flex.gif http://www.egycafe.net/vb/images/icons/flex.gif http://www.egycafe.net/vb/images/icons/flex.gif

مع السلامة أبروح أتبرد

http://smileys.smileycentral.com/cat/36/36_7_26.gif

الجنرال

August 27th, 2008, 00:45

معقولة ..ليه هو ذهب .!! يعني كم سعر الحبة الواحدة

http://www.egycafe.net/vb/images/icons/flex.gif http://www.egycafe.net/vb/images/icons/flex.gif http://www.egycafe.net/vb/images/icons/flex.gif

مع السلامة أبروح أتبرد

http://smileys.smileycentral.com/cat/36/36_7_26.gif

:55: :55: :55: :55:

:m23asmilies-com:

ههههههه

بعذر أبو سعود مشتهي الصقعي :21:

نجم سهيل

August 31st, 2008, 16:13

محمد بن سعد

August 31st, 2008, 21:28

السلام عليكم ورحمة الله وبركاته
وجاء رمضان والشهر مبارك عليكم جميع
مارحت القصيم ولا شريت صقعي وما جاني صقعي وهقوني الدكتور محمد اللي قاعد
يمنينا بالصقعي اللي ماشفنا منه الا حروفه وبس
واما الجنرال يطامر في السوقه ويكلمني ابشر ابشر يابو سعود وبس لكن
عقب شوي ان شاء الله ابروح لسوق التمر والعلم بيجيكم من عندي بعد علم الله
واحد يطامر بين نخله والثاني في السوقه كلتكم الكلاب

ابو سعود !!
ابو سعــــــــود !!
ابو سعـــــــــــــــــــــــود !!

وصل سعر الصقعي في جدة 460ريال عبوة كرتون الموز

من عليه السوم ؟!

ابشرو بالسكري
أما الصفعي باقي في الشواية كم يوم

الكرنون 460 ريال !!
الله يعينكم على عدّها

نجم سهيل

August 27th, 2009, 15:50

مشكور يابو سعد
التريلة موجودة ورهن الاشاره منك :sm277:
والدينا الثلاجة موجودة بعد بس عطني الاشاره :w6w_w6w200505080648

وان كان لاذي ولاذيك جمس الحوض القديم المشرع
من فوق الحنايا مرفع فوق الجحوش ننزله واجيك مجلع فيه :w6w_w6w_20050501183

وان كان شفت اني طماع فالدباب ابو اربع فيه البركه
وان كان عندك راي ثاني ارسلتلك عربانه أم كفر :120:
بس الله يستر لاتروح العربانة في خدمة المزرعه
وساعتها ماشفنا بلح اليمن ولا عنب الشام :135:

آآآآآآلووووووه يابو سعد
خلاص قرب وقت خرفة الصقعي
حطنا على بالك كان ماعندك تمر ولا خرفة علمني
نروح انا وياك للقصيم ونشتري اللي فيه النصيب

تصدق بعض الصقعي طوله 5سم ومحيطه مثله !!:h29:
يعني الواحد ياكل التمرة الواحدة على دفعتين
نص حبة قبل الفطور ونص حبة بعد النوم :sm243:

وبمناسبة التمور عندي صديق في المدينة المنورة اشتري منه كل سنة
حوالي 70كرتون فللين نعبيها لاستهلاكنا المنزلي في رمضان وما بعد رمضان
وهالسنة ارسل لي 50 كرتون والظاهر ان عماله البنقالة عليهم من الله ما يستحقون
مارسوا عاداتهم الأصيلة في الغش فكان معظم التمر بلحا لارطب فيه
يعني الرطب كله مايجي حتى 10%

أها علمني بوقت الخرفه والا :s10:

نجم سهيل

October 22nd, 2009, 14:13

السلام عليكم ورحمة الله وبركاته

يحيا الصقعي

قبل بضعة أيام كنت في الرياض في مناسبة حزينة ولكن ذلك لم يمنع من ذهابي إلى
أسواق الربوة للخضار والفواكه حيث أقيم هناك قبل أيام معرض ومهرجان الرياض للتمور وكان سوق التمور في الربوة
غاية في التنظيم والجمال حيث يبلغ طول السوق من الشمال إلى الجنوب نحوا من تسمائة متر طولي
وبعرض عشرة أمتار مسقوف ومكيف بأكمله
وتتقابل على جانبيه مباسط أو متاجر التمور للتمور فقط

وبحثت عن أجود أنواع الصقعي وخاصة المكنوز في أكياس بلاستيكية
فوجدت ضالتي وكانت من النوع الفاخر والمكنوز بعناية فائقه
وكانت أحجام التمر كبيرة وجميلة تسحب السعال واللسان يتلمض طعمها قبل أن يتذوقه
عبوة الكيس الواحد 4 كج بسعر 160ريال بواقع 40 ريال للكيلو الواحد
فابتعت منه المقسوم

والصقعي والله لاسكرية ولا خلاص ولا غيره بدليل فارق السعر بينه وبين
سائر التمور عدى العجوة التي كانت أحب التمور إلى رسول الله صلى الله عليه وسلم التي قد يصل سعر الكيلولنخبتها مائة وستون ريال
تليها العنبرة وكلتاهما من نخبة تمور المدينة المنوره

وكما تعلمون فإن من تمور الصقعي
الأصابع المفردة وتختلف أسعارها حسب أحجامها وحالاتها
وأفضل أسواقها في عنيزة وبريدة والرياض
ولايزال سعرها في تصاعد مستمر فعبوة كرتون الموز تلامس الخمسمائة ريال
أو بسعر 30إلى 32ريال للكيلوا الواحد

واحد مجنون تمور ويتحدى السكر
آآآه لو السكر يا خذ إجازة أو على الأقل ياخذ غفوه
ولكنه قاعد علة في حلوقنا يراقب عيشتنا وينغص حياتنا
حتى قطيعة حلاو صغيرورة يقعدلنا فيها بقعا تصوعه

وبمناسبة السكر وطواريه ينط كل شوي واحد والا ويحيدة ويحلفون أيمان
بالله العظيم انه عندهم خبر ان فيه علاج يقضي على السكري نهائيا وهم بكلامهم
الماصخ يرفعون فينا السكر والضغط والكلسترول وسائر أنابيب الزيوت والهواء
ولكن النار ماتحرق الا رجل واطيها واللي ياكل الفرش ماهوب مثل اللي يعده

لاترتاعون ولكن اعتبروا يا أولي الألباب
والله لو تعلمون كم الأرواح التي يحصدها عزرائيل على مدار الساعة
من ضحايا السكري والضغط والكلسترول وضحايا أنفسهم بإرادتهم
من المدخنين والمدخنات شاربي وشاربات الدخان والشيشات والأرجيلات

وأعترف شخصيا أني ضحية ما أشتهي من أطاييب الطعام الدسم والفواكه وخاصة
وعلى وجه الخصوص والتميز التمور الحبيبة التي تضعف وتنهار أمامها
كل عنترياتي من الحميات والتمنعات وشقاوات السرقات والإختلاسات االمعيشية
المشروعه
وبلغة الحسد

إياكم ثم إياكم من التمور فإنها تسقط في البطون