المساعد الشخصي الرقمي

مشاهدة النسخة كاملة : الهلال الموسم القادم (عجب عجاب) بالتوفيق للزعيم


هلالي القرن
July 8th, 2011, 00:18
خدها أحمر ,, يعيبها خدها أحمر ..

أقول بلا أحمر وبلا أصفر ..

الهلال مقبل للتويج في أربع بطولات ..

الخبر الأول : إلغاء جميع عقود المحترفين الأجانب والتوقيع مع : حسب رغبة الجمهور ..

مدرب عالمي يدرب الهلال لمدة موسمين مقبلين : حسب رغبة الجمهور

تعديل أرضية ملعب التدريب للنادي ووضع نوعية العشب : حسب رغبة الجمهور .

إقالة سامي الجابر وتعين مدير كرة جديد : حسب رغبة الجمهور .

اشتراك نادي الهلال مع شركة فيديكس عشان يوصلون بضاعة المتجر لأي واحد في العالم , حسب رغبة المجهور

إنشاء ملعب جديد وتسميته : حسب رغبة الجمهور

ياسر القحطاني ,, مباراة احتياط , ومباراة أساسي : حسب رغبة الجمهور

طائرة خاصة لنادي الهلال ,, عليها شعار النادي وصور اللاعبين والطاقم الفني والاداري : حسب رغبة الجمهور

ناقلة ضخمة لنقل اللعبين من مقر النادي لملعب المباراة والعودة ,, والاحتفال بالبطولات : حسب رغبة الجمهور

-----|

عذراً , عذراً , عذراً

عزيزي المشجع الهلالي , الإدارة جالسة على بنك مثلاً ..؟

صحيح ان رجالات الهلال كثير , بس ترآآ وللأمانة ما يدعم النادي غير خمسة ..

الناقور , عبد الله بن مساعد , بندر بن محمد , نواف بن سعد , عبد الرحمن بن مساعد .....!

وين الرجالات الكثار اللي تقولون عنهم ..؟

والله احنى كجمهور للزعيم ما راح نقصر ,, راح ندعم على قد ما نقدر ,,!

بس مو بكيفكم النادي ,,

بكل أمانه , أحزن إذا شفت جمهور الهلال كذا ..!

من هوشة لهوشة ,, ومن مشكلة لمشكلة ,, ومن اختلاف لاختلاف ..

الصراحة ,, أنا وأنت ما عندنا خبرة مثل خبرة اللي جالسين يعملون ..

بعدين أنتو الحين مصدقين ان الإدارة الهلالية بتسمع لكم ....؟

الحمد لله إن عندنا إدارة فاهمة ووعاية ما تسمع كلام كل مشجع ,,!

اليوم وأنا أتفرج ع المواضيع اللي بالمنتدى لفت إنتبهاي موضوع غريب شوي ..

واحد حاط صور لملعب التدريب , وهو في نهاية موسم يقول ليش الملعب كذا فيه تراب ......؟

من زين جوك الحين ....؟ ترآآ درجة الحرارة العصر 45 ..

بالله عليك وشلون تبي الملعب يصير أخضر ,, لا وفي نهاية الموسم ...؟

بعدين اللي يطالب بأن الهلال يسوي ملعب ,, ترآآ الهلال مستعد كل الاستعداد بس المشكلة في الاتحاد السعودي رافض .

لأن الهلال يقدر يسوي ملعب والاتحاد يقدر والشباب يقدر والأهلي يقدر ..

بس البقية ...؟

----

أخواني \ أخواتي

جمهور الهلال .

الاختلاف بالرأي لا يفسد للود قضية .

ممكن نختلف في الأرآء بس مو لهذي الدرجة ..

أشوف ناس يتهمون ناس بالأطفال وناس يتهمون ناس بالمندسين ..؟

ووصلت للتجريح ...!

-------------------------------------------------------------------------------------------

مباراة الإتحاد خلصت ,, والأسيوية طلعنا .!

قدر الله وما شاء فعل ..

خيرها بغيرها ..

والموسم الجاي خير ان شاء الله ..

بس خلوا الإدارة تشتغل ,, واحنى شغلتنا نؤازر .. ما نتدخل في عملهم ..

ولا نقول لهم سوو سوو ..

نخليهم يشتغلون بروقان ولا نسبب ضغط وزحمة ..

والله معك يا هلال

إن أصبت فمن الله , وإن أخطأت فمن الشيطان ..



(( مضوعي في شبكة الزعيم ))