خطأ وتصحيح الخطأ عند الشباب [الأرشيف] - -:: منتديات درة المجالس العربية السعودية ::-

ابو فيــصل

July 15th, 2008, 23:51

السلام عليكم ورحمة الله وبركاته

بسم الله الرحمن الرحيم

خطأ وتصحيح الخطأ عند الشباب

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه في بطنه .. وتعطيع بالركبة وإلا كوع ...

ثم ..

تقوله شيل الكتب .. ومرة ثانية فتح عيونك ياالخبل ..

--------------------------------------------------------------------------------

خطأ : تفتح الإشارة .. ثم يضرب لك الي وراك بوري ... ثم تطالع في المراية ... وتلقاه يصارخ ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه من شعره ... واجلده لين يقول العيد الليلة ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تسكت و لاكلمه..

--------------------------------------------------------------------------------

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك ..
ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الدريشة ... واضحك ..

--------------------------------------------------------------------------------

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... من رجليه ... وطجه بالارض طج ... وتجيب قوطي ببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم افتح العلبه... وحطّها بجيبه ... وقله لاتطلعها من جيبك الا اذا رحنا ...

--------------------------------------------------------------------------------

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... عمري ما أحلّق عنده ...

--------------------------------------------------------------------------------

خطأ : تمشي بالحارة .... مثلا رايح للمسجد ... ثم يجي واحد من هالصغيرين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول ما عليه لما اطلع ...

الصحيح : تاخذ لك حصى .... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشاويرك... و ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بيصيح ...

--------------------------------------------------------------------------------

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

--------------------------------------------------------------------------------

خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل دش... وقله نبيك تجي تركّب لنا الطبق ( يعني الدش ) !
بالسطح ... ولاتنسى تجيب الدريل معك ... لأننا بنركب 15 دش .. الليلة ..
ثم واصل للصبح ...

--------------------------------------------------------------------------------

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... والا طفاية السجاير ... وعطيه شوته وخذ منه الريموت .. بدون ماتكلمه ... وحط فيلمك ... وتابعه بصدر رحب ...

--------------------------------------------------------------------------------

خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم

الصحيح :المفروض تكتب اذا طولت هذا شيء راجع لي وبكيفى وإلا من قال لكم تقرون موضوعي ؟؟

---------------------------

الخطأ اقول ان شاء الله يعجبكم الموضوع
والصح اللي ما يعجبه عند جدار بيته يخبط راسه لين يعرف ان الله حق
والصح اني اقول تحياتي للجميع

سلاااااااااااااااااااااام

ارجو ان تنال اعجابكم

محبكم :

ابو فيــصل