ظنيت بيني وبين قوقل ميانه

[سلمان السلمي]

ياعمي قوقل ودي ابحث عن إنسان ؛؛؛
- - - - - - - - - غالي وله بالقلب أكبر مكانه ؛؛؛
أبي تجيبه لي ولو كان ماكان ؛؛؛
- - - - - - - - - يعني تصرف دوره بأي خانه ؛؛؛
أدري مسافر بس أنا ودي الآن ؛؛؛
- - - - - - - - - أعرف حبيبي وين يقضي زمانه ؛؛؛
ياما سألتك عن أماكن وبلدان ؛؛؛
- - - - - - - - - وجبت الأجابة بكل صدق وأمانه ؛؛؛
والحين يوم أني سألتك عن فلان ؛؛؛
- - - - - - - - - بانت علومك وين ذيك الذهانه ؛؛؛
عجزت تلقى لي ولو نص برهان ؛؛؛
- - - - - - - - - وإلا دليل يشير وجهة مكانه ؛؛؛
شرهانه ألقى لي إجابه وعنوان ؛؛؛
- - - - - - - - - ظنيت بيني وبين قوقل ميانه ؛؛؛
خلاص ياعمري ترى ذاك الإنسان ؛؛؛
- - - - - - - - - اللي خذا بالقلب قدر ومكانه ؛؛؛
ماقصر الجوال جابه ولا هان ؛؛؛
- - - - - - - - - وعرفت منه كيف حاله وشانه ؛؛؛؛
*************************



مما راق لي

[المنتقد]

بسم الله الرحمن الرحيم
السلام عليكم ورحمة الله وبركاته ,,

حياك الله اخوى الحبيب سلمان ...سلمه الله
مشكور وما قصرت على ها القصيدة الرائعة ...فى انتظار المزيد بارك الله فيك ...والسلام عليكم ورحمة الله وبركاته ,,