عينه تناديني وعيني تناديه

[نسنوسه]

عينه تناديني وعيني تناديه
وبالصمت كلن استمر بنداته







والله يا ذاك اليوم ما ني بناسيه
يوم ألتقيته واهتنيت بلقاته







ما قول من شفته غدى القلب مغليه
اقول : من شفته غدى القلب ذاته







لولا الحيا من الناس لــ اقول انا ابيه
وهذا حياة القلب وهذا مناته







هذا الذي من بد خلق الله اغليه
هذا الذي اطلب من الله رضاته







هذا الذي ياناس امووت انا فيه
واضيع لامن قال اني حياته







ما همني من قال : وشو له تحبه
وما همني من هو يعذرب صفاته







انا ادري ان الطيب متأصل فيه
وادري بأن الجود زاد بعلاته







هو مكرم الضيفان كلن مسميه
ياحظ منهو بيت خلي مباته






الله عطانياه والله يخليه
لعيوني اللي ما تناظر سواته







حتى بلذيذ النوم سوالفي فيه
ياقلبي المجرووح بالله هاته







هاته وانا بشبك ايدي بأيديه
او تدري ودي منه بس ألتفاته







يشوف حالي ويرتحم لمغليه
وان ما رحمني مستعد لشقاته







والله ما عندي غير سيرته وطاريه
حتى اصغر اخواني درى عن غلاته




مما راق لي

[المنتقد]

بسم الله الرحمن الرحيم
السلام عليكم ورحمة الله وبركاته ,,
حياك الله اختى الغالية نسنوسه ...سلمها الله

وين الذي من بدة الناس أغليه= شخص دخل قلبي وغير حياتي
المحب دايم جمرة الشوق تكويه= يصبح كما الحيران يقبل وياتي
يالي تجونه دامني ماقدر اجيه = قولو تراء خلك كتبله وصاتي
يقول دمعه وسط عينه يخليه = خل الحزن اللي حياته شقاتي
انا جريح المحبة واناديه = هو ليه مايسمع صداي ونداتي

بارك الله فيك اختى الغالية وفى انتظار المزيد ...والسلام عليكم ورحمة الله وبركاته

[نسنوسه]

تسلم على الذوق المميز للأبيات الجزلة
عسااك ع القووه اخوي المنتقد