الساهر
October 9th, 2010, 01:07
بسم الله الرحمن الرحيم
السلام عليكم ورحمة الله وبركاته
لقيت القصيدة وما لقيت راعيها ،،
اربكم تعفوني من خطا خطيته
قلت الوداع وجاوبـت دمعـة العيـن
تجـرح بساتيـن الخـدود،، النديـه
واغضت وشفت بعينهـا الحزن،، حزنيـن
وصاحت على الفرقا انـا مـو قويـه
وجاوبتها،، ارجـوك تكفيـن تكفيـن
والله ولله دمعك يشـعـل النار فـيّـه
وقالـت تعاهدني عـهـاد المحبـيـن
الله يخـون اللـي يخـون بخويّـه
قلـت ابشري واللـي خلقـك لاتظنيـن
حرااام ماغيرك عشقـت آدمـيـه
وقصّت شعرها قلت انـا وش تسويـن
قالت ابـي مـن غرتي،، لـك هديـه
ونادتنـي الغربه علـى الهـم والبـيـن
احسّـب الأيـااااام روحـه وجيّـه
وفـي كـل ليله ترتسـم بيـن رمشيـن
خيالها بـيـن الـرمـوش الشقـيـه
غربة سنه فـي ذمتـي غربـة سنيـن
متى علـى الله يلتقـي الحـي،، حيـه
خلاص،، هانت مابقـى غيـر يوميـن
خـلاص ،، قفّت غربـةٍ جرهديـه
ورجعت....شوقي في خفوقي... براكيـن
ورجعـت انـا... كلـي لها....جاذبـيـه
وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه
وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه
وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه
وتزاحمـت فـي داخلي،، ألـف سكـيـن
والحزن يطويـنـي ثمانيـن،، طـيّـه
صدمه..وجابتنـي علىالارض..نصفيـن
وشلـون راحـت دون،، ذنـب وخطيـه
تكفون،، دلـونـي علىالقبر،، هالحـيـن
مـاعـاد فيـنـي للصبر مقـدريـه
ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه
واصيح،، وش بك يا غلا،، مـا ترديـن
اشتقـت همس إشفاهك،، النرجسـيـه
وش فيك،، جيت من السفر،، مـا تهليـن
ماهي بلك عـاده،، ولا انتـي،، رديـه
وحاولت في لحظة جنون،،اجرح الديـن
وازيـح تـربـة قبرهـا،، فـي يـديّـه
وبالغصب شالوني،، حشـا تقـل مسكيـن
واصـرخ بهـم،، والله،، والله ولله حـيّـه
اقفت،، وتاهـت بـي جميع،، العنـاويـن
والحـزن يلعب،، داخلـي ،، سامـريـه
ورجعت لـدروب الشقـا،، قبـل عاميـن
مدري من اللي صـار،، فينـا ضحيـه
السلام عليكم ورحمة الله وبركاته
لقيت القصيدة وما لقيت راعيها ،،
اربكم تعفوني من خطا خطيته
قلت الوداع وجاوبـت دمعـة العيـن
تجـرح بساتيـن الخـدود،، النديـه
واغضت وشفت بعينهـا الحزن،، حزنيـن
وصاحت على الفرقا انـا مـو قويـه
وجاوبتها،، ارجـوك تكفيـن تكفيـن
والله ولله دمعك يشـعـل النار فـيّـه
وقالـت تعاهدني عـهـاد المحبـيـن
الله يخـون اللـي يخـون بخويّـه
قلـت ابشري واللـي خلقـك لاتظنيـن
حرااام ماغيرك عشقـت آدمـيـه
وقصّت شعرها قلت انـا وش تسويـن
قالت ابـي مـن غرتي،، لـك هديـه
ونادتنـي الغربه علـى الهـم والبـيـن
احسّـب الأيـااااام روحـه وجيّـه
وفـي كـل ليله ترتسـم بيـن رمشيـن
خيالها بـيـن الـرمـوش الشقـيـه
غربة سنه فـي ذمتـي غربـة سنيـن
متى علـى الله يلتقـي الحـي،، حيـه
خلاص،، هانت مابقـى غيـر يوميـن
خـلاص ،، قفّت غربـةٍ جرهديـه
ورجعت....شوقي في خفوقي... براكيـن
ورجعـت انـا... كلـي لها....جاذبـيـه
وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه
وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه
وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه
وتزاحمـت فـي داخلي،، ألـف سكـيـن
والحزن يطويـنـي ثمانيـن،، طـيّـه
صدمه..وجابتنـي علىالارض..نصفيـن
وشلـون راحـت دون،، ذنـب وخطيـه
تكفون،، دلـونـي علىالقبر،، هالحـيـن
مـاعـاد فيـنـي للصبر مقـدريـه
ووقفـت اطالـع قبرها بيـن نصبـيـن
وجلست اضـم اغلـى النصايـب عليّـه
واصيح،، وش بك يا غلا،، مـا ترديـن
اشتقـت همس إشفاهك،، النرجسـيـه
وش فيك،، جيت من السفر،، مـا تهليـن
ماهي بلك عـاده،، ولا انتـي،، رديـه
وحاولت في لحظة جنون،،اجرح الديـن
وازيـح تـربـة قبرهـا،، فـي يـديّـه
وبالغصب شالوني،، حشـا تقـل مسكيـن
واصـرخ بهـم،، والله،، والله ولله حـيّـه
اقفت،، وتاهـت بـي جميع،، العنـاويـن
والحـزن يلعب،، داخلـي ،، سامـريـه
ورجعت لـدروب الشقـا،، قبـل عاميـن
مدري من اللي صـار،، فينـا ضحيـه